Amuye ku shebo

Amuye ku shebo shimwi shiliimo

Amuye pa mitwi iliimo

Bakamboni Bakwe Yehova

Cilenje

Pulogilamu Yakubungana Kunene Kwamu 2017

Maswi Kubatocanikaako

Maswi Kubatocanikaako

MABUNGANO ALIBETELE

INCITO YA KUBETELO Beshikushimikila bakabombekwa bacite myaaka 35 akusa panshi alimwi basuni kusebensela kuBetelo, balyeelete kulibambila kucanika kukubungana kwabeshikulembela ncito ya kuBetelo ciindi ca malumwi pabushiku bwakutaanguna. Musena aciindi shilakwaambilishikwa.

CIKOLO CA BASHIMIKILA SHA BWAAMI Bapainiya bacite myaaka 23 kushika ku 65 abo basuni kusebensesha muncito yakushimikila, batokwiitwa kwaamba ayi bakacanikeeko kukubungana kweshi kukabeeko pa bushiku bwatatu malumwi kwabaabo basuni kunjila Cikolo ca Bashimikila sha Bwaami. Musena aciindi shilakwaambilishikwa.

 MASWI KUBATOCANIKAAKO

BESHIKUCAFWILISHA Beshikucafwilisha mpobali kwaamba ayi bamucaafwe. Twamusenga kucatanaabo alimwi akukonkela nsheshi banomulwiita mbuli kwakubika ncinga, mamotoka, pakukala, alimwi ashimwi shacaala.

KUBOMBEKWA Shuuna sha baabo batooya mukubombekwa shilaakubikwa kunembo lya pulatifomu. Batooya mukubombekwa balyeelete kabashiite likani lya kubombekwa kalitana kutalika bushiku bwabili macuunsa. Uliwoonse ulyeelete kusa ataulo alimwi ashakufwala shabulemu nsheshi akasebenseshe pakubombekwa.

MAALI APEKWA MUKULIYANDILA Kwasebenseshekwa maali aanji kwaamba ayi kubungana uku kubambwe, kubamba shakwaambilaamo, shakweebelela mavidyo alimwi anciito shimwi shiinji shiyandika maali, isho shoonse shabambwa kwaamba ayi tusangalale akubungana kwesu kutucafwa kusena pafwaafwi a Yehova. Maali ngeenga mwapa mukuliyandila alakonsha kucafwa kulipila shintu shasebenseshekwa alimwi akucafwa ncito yakushimikila ya pacishi coonse. Kwaamba ayi cuube, tubokoshi twakubikamo maali tulembetwe kabotu twabikwa mumusena woonse uno. Tulalumba abuumbi maali ali woonse ngeenga mwabikaamo. Likoto Litanjilila lyamulumba pakucafwilisha kwanu muncito ya Bwaami.

FIRST AID Twamusenga kushiba kwaamba ayi dipatimenti iyi ilacafwabo MAPENSHO ESA CAKUTENGASHILA.

KWAKUCANA SHASOWEKA Shili shoonse shasoweka shilyeelete kutolwa ku Dipatimenti iyi. Na kuli nshemwasowa, inga mwaya mukwiipusha ku dipatimenti iyi. Na mwacana mwaana wasoweka mulyeelete kumutola ku depatimenti iyi. Nacibi boobo mulyeelete kushiba ayi teshi musena wakumulelelaako baana. Twamusenga kulama bana banu, akukalaabo.

PAKUKALA Twamusenga ayi muyeyeleeko bamwi. Amushibe kwaamba ayi mbomweelete kusungila pakukala, mbaabo mbomwesabo pantu pomwi, mbomukalaabo na abo mbomutokwiiyabo Baibo. Twamusenga kwaamba ayi mutabiki shintu pamusena ngomutana kusungila bamwi.

NCIITO YAKULIYANDILA Na mulisuni kucafwilisha muncito shitosebensekwa pakubungana kuno, twamusenga kuya ku dipatimenti iyi.

Kwakabambwa a Likoto Litanjilila lya Bakamboni Bakwe Yehova