Amuye ku shebo

Amuye ku shebo shimwi shiliimo

Amuye pa mitwi iliimo

Bakamboni Bakwe Yehova

Cilenje

Buumi bwa Bwineklistu Alimwi Anciito Yesu  |  November 2017

 BUUMI BWA BWINEKLISTU

Sheenga Shatucafwa Kushimikila Kabotu—Kuboolelaako

Sheenga Shatucafwa Kushimikila Kabotu—Kuboolelaako

MULANDU NCOCIYANDIKILA: Bantu baanji basuni kwiiya makani aBwaami batolangoola cancine cakwe Lesa. (Isa. 55:6) Kwaamba ayi tubaiishe cakuya panembo, tulyeelete kuboolelaako cakutacileka. Bantu balicite mapensho apusenepusene, anu kuli nshila shipusene pusene mbweenga twabacafwa kwiiya. Nacibi boobo, inga twacita kabotu na twalibambila kabotu akuyeeya mbweenga twaiisha womwi awomwi wabaabo mbotutoboolelaako, uku katuyeeya shakutalika ciiyo ca Baibo.

NSHEENGA TWACIITA:

  • Amweeleshe kuboolelaako cakufwambaana, mpashi pesule lya nshiku shiniinibo.—Mt. 13:19

  • Amutondeshe bushicibusa abulemu. Amubandike cakwaanguluka

  • Amutalike akwaansha cakukondwa. Amusebenseshe liina lyakwe. Amumwibalushe ncemwafwakashila alimwi—mpashi mwaya mukukumbula mwiipusho, mwatola magazini ipya, kumutondesha webusaiti yesu, kumutondesha vidyo, na mpashi kumutondesha mbotucita ciiyo ca Baibo. Amucinje nshemusuni kwaamba na uyo muntu watondesha ayi kuli makani amwi ngweenga wasuna kwiiya.—Flm. 2:4

  • Amutilile mbuto ya cancine yakashangwa mumoyo wakwe kwiinda mukubandika makani kuswa mu Malembo mpashi akumupa libuku. (1 Koli. 3:6) Amweeleshe kushiba mbweenga mwayaka bushicibusa bwa kubandikaakwe

  • Amwaambe nsheshi mukabandike na mukese alimwi