Amuye ku shebo

Amuye ku shebo shimwi shiliimo

Amuye pa mitwi iliimo

Bakamboni Bakwe Yehova

Cilenje

Buumi bwa Bwineklistu Alimwi Anciito Yesu  |  March 2016

 BUUMI BWA BWINEKLISTU

Bubuke—Bwakakonsheka Pamulandu Wacilubula

Bubuke—Bwakakonsheka Pamulandu Wacilubula

Ciibalusho cilatupa coolwe cibotu cakuyeeya pashoolwe shakunembo nsheshi tukacane pamulandu wa cilubula, shoolwe mbuli bubuke. Yehova taakwe kutulenga ayi tunoofwa. Ngomulandu cilacisa abuumbi na twasowekelwa uyandwa wesu mulufu. (1 Koli. 15:26) Yesu wakapenga mumoyo ndyakabona bashikwiiya bakwe kabalila Lasaro ndyaakafwa. (Joni 11:33-35) Mukwiinga Yesu ulikoshete ba Ishi cakumaninina, inga twashoma ayi alakwe Yehova cilamucisa abuumbi kubona buumba mbotubaabo na twasowekelwa muyandwa wesu mulufu. (Joni 14:7) Cakusunishisha Yehova utolangila kwaamba ayi ciindi cikashike ndyeshi akabushe basebenshi bakwe kuswa kubafu, aswebo tulyeelete kucita boobo.—Jobo 14:14, 15.

Mukwiinga Yehova ngu Lesa utasuni kunyonyongana, inga twashoma ayi ulakubusha bantu munshila ili kabotu kabotu. (1 Koli. 14:33, 40) Muciindi cakuba amalilo, inga kwaba ciindi cakutambula baabo beshi bakabuke kuswa kubafu. Sa mulacana ciindi cakuyeeya sha bubuke, bunene bunene ciindi ndyemuli abuumba? (2 Koli. 4:17, 18) Sa mulamulumba Yehova pakutupa cilubula akutuyubulwita kwiinda muMalembo ayi bafu balaakuba abuumi alimwi?—Kolo. 3:15.

  • Mbabyaanu na bashikamukowa banu bali, mbomutolangila kusa mukubona alimwi?

  • Ino mbantu baambwa muBaibo bali mbomusuni bunene kusa mukubona akwaambaabo?