Amuye ku shebo

Amuye ku shebo shimwi shiliimo

Amuye pa mitwi iliimo

Bakamboni Bakwe Yehova

Cilenje

Buumi bwa Bwineklistu Alimwi Anciito Yesu  |  June 2017

 BUUMI BWA BWINEKLISTU

Amucane Lusangalalo Mukushimikila Makani Abotu

Amucane Lusangalalo Mukushimikila Makani Abotu

Sa cimwi ciindi mulabona anga nciyumu kushimikila? Buunji bwandiswe inga twakumbula ayi ee. Ino ngumulandunshi? Mpashi liinji bantu mbotushimikila balakaka na mpashi tulaloonda kubandika abantu mbotuteshi kabotu. Cakutatoonsha, ishi shintu inga shaboosha panshi lusangalalo lwesu. Nacibi boobo, tulapaila Lesa ukondetwe usuni kwaamba ayi tunomusebensela cakukondwa. (In. 100:2; 1Ti. 1:11) Ino njimilandu yotatwe ili njotweelete kusangalala akushimikila?

Cakutaanguna, makani ngotushimikila alapa bantu kulangila. Nabi kwaamba ayi baanji tabacitewo kulangila pacecino ciindi, inga twabacafwa kususha myoyo yabo “amakani abotu.” (Isa. 52:7) Ono makani abotu a Bwaami bwakwe Lesa inga atucafwa aswebo kuba alusangalalo. Kamutana kuya mukushimikila amuyeeye shoolwe nsheshi Bwaami bwakwe Lesa bukalete pacishi.

Cabili, makani abotu ngotushimikila alacafwa bantu lwakumubili alimwi alwakumushimu. Balaiiya kucileka miibo ibiibi akuba abulindilishi bwakutambula buumi butamaani kunembo. (Isa. 48:17, 18; Loma. 1:16) Atuyeeye kwaamba ayi tuli muncito yakulangoola bantu kwaamba ayi tubapulushe. Nabi kwaamba ayi bamwi tabasuniiwo kupuluka, tatucileki kulangoola baabo basuni.—Mt. 10:11-14.

Catatu, alimwi cisuniki abuumbi, kushimikila kulaleta bulemu kuli Yehova. Ulaibona kucindama abuumbi incito yakupa bumboni. (Isa. 43:10; Ebu. 6:10) Kwiilikaawo, ulatwaabila mushimu wakwe usalashi kwaamba ayi tucikonshe kukumanisha ncito iyi. Aboobo, amukombe kuli Yehova kwaamba ayi amupe lusangalalo, cisepo ca mushimu wakwe usalashi. (Ga 5:22) Kwiinda mulucafwo lwakwe, inga twacikonsha kukoma kulisukama akushimikila cakutaloonda. (Mil. 4:31) Lyalo, nabi kwaamba ayi bantu bakake na sobwe, tulaakwiindilisha kuba alusangalalo anciito yakushimikila.—Ese. 3:3.

Ino mulisuni kuba amiyeeyo nshi ndyemutoshimikila? Ino inga mwalutondesha buyani lusangalalo lwanu?

AMWEEBELE VIDYO YA MUTWI UTOKWAAMBA AYI AMUBOOSHE LUSANGALALO LWANU KWIINDA MUKWIIYA ALIMWI AKUYEEYAWO, LYALO AMUBANDIKE MIIPUSHO ITOKONKAAWO:

  • Ino ngumulandunshi tulyeelete kubika panembo kwiiya, nabi kwaamba ayi tulashimikila mawoola aanji mweenshi uli woonse?

  • Ino inga twacita buyani kwaamba ayi tukonkele cakubonenaako cakwe Mary?

  • Ino ndilili ndyemucana ciindi cakukala panshi akuyeeya pa Maswi akwe Lesa?

  • Ino nciinshi cimukondelesha ndyemutoshimikila makani abotu?