Amuye ku shebo

Amuye ku shebo shimwi shiliimo

Amuye pa mitwi iliimo

Bakamboni Bakwe Yehova

Cilenje

Buumi bwa Bwineklistu Alimwi Anciito Yesu  |  January 2016

 BUUMI BWA BWINEKLISTU

Kuyaka Alimwi Akubotesha Misena ya Kulambila Kwancine Ncoolwe Cesu

Kuyaka Alimwi Akubotesha Misena ya Kulambila Kwancine Ncoolwe Cesu

Kwakalinga kusuniki maali aanji alimwi akusebensa cankusu ndyebakalinga kuyaka ŋanda yakwe Lesa muciindi ca bene Isilaeli. Nacibi boobo bene Isilaeli bakasebensa ncito iyi camoyo woonse. (1 Maka. 29:2-9; 2 Maka 6:7, 8) Kulama kwabo ŋanda yakwe Lesa ndyeyakamana kuyakwa kwakatondesha na bene Isilaeli bakalinga bayumu lwakumushimu nabi sobwe. (2 Baami 22:3-6; 2 Maka. 28:24; 29:3) Munshiku shino, Beneklistu balasebensesha ciindi alimwi ankusu shabo kuyaka, kubotesha, alimwi akulama Maanda aBwaami a Misena yamabungano anene. Nacibi boobo, kusebensa pantu pomwi aYehova munshila iyi ncoolwe cinene abuumbi alimwi ndubasu lwa ncito yesu isalalite.—Kulu. 127:1; Ciyu. 7:15.

INGA TWATOLAMO LUBASU KWIINDA MU . . .

  • Kubotesha lyoonse pesule lyakubungana. Na inga tacikonsheki kucita boobo, mwasengwa kubwesa kalitombe kali koonse mpomushiite.

  • Amutolemo lubasu mukupyanga na kubotesha alimwi akulama Ŋanda ya Bwaami kucitwa lyoonse. Na kamusebensa baanji incito ilauba akusangalasha.—lv-CG 92-93 pala 18.

  • Kwiinda mukupa maali mukuliyandila. Nabi ‘tumaali twa mukuba tobilo’ tupekwa kuswa panshi lya moyo tulasangalasha Yehova.—Maako 12:41-44.

  • Na inga mwacikonsha amulyaabe mukuliyandila kucafwa muncito yakuyaka akubambulula misena yakwe Lesa. Tamweelete kuba alushibo lwakuyaka kwaamba ayi mutolemo lubasu muncito iyi.