Amuye ku shebo

Amuye ku shebo shimwi shiliimo

Amuye pa mitwi iliimo

Bakamboni Bakwe Yehova

Cilenje

Buumi bwa Bwineklistu Alimwi Anciito Yesu  |  February 2018

 BUBONI BUCANIKA MUMASWI AKWE LESA | MATEYO 14-15

Kwaabila Shakulya Bantu Baanji Kwiinda Mukusebensesha Bantu Baniini

Kwaabila Shakulya Bantu Baanji Kwiinda Mukusebensesha Bantu Baniini

Ciindi ca Pasika kacitana kushika mu 32 C.E., Yesu wakacita caankamiko, ico cicanikabo ceenka mumabuku one a Makani Abotu.

Kwiinda mucaankamiko ici, Yesu wakabika cakubonenaako ico catolelela kushika apacecino ciindi.

14:16-21

  • Yesu wakalwiita bashikwiiya bakwe kwaabila shakulya makoto, nabi kwaamba ayi bakalinga kucitebo shinkwa one atuswi tobilo

  • Yesu wakabwesa shinkwa alimwi answi, pesule lya kupaila, wakatalika kwaabila bashikwiiya bakwe, abalo bashikwiiya bakwe bakatalika kwaabila makoto

  • Mucankaamiko, bantu boonse bakakwana. Yesu wakaabila shakulya bantu baanji kwiinda mukusebensesha bantu baniinibo—bashikwiiya bakwe

  • Yesu wakaamba bushinshimi ayi munshiku shakweelaako, alaakusala nshila njeshi akanosebensesha kwaabila shakulya shakumushimu “paciindi ceelete.”—Mate. 24:45

  • Mumwaaka wa 1919, Yesu wakasala “musebenshi ushomeka alimwi ucite maano,” likoto liniini lya bamakwesu bananikitwe, kwaamba ayi anolanga “basebenshi bamuŋanda yakwe,” abo mbwatokwaabila cakulya

  • Kwiinda mukusebensesha likoto liniini lya bamakwesu bananikitwe, Yesu atokonkela cakubonenaako ncakabika mu mwaaka wamu mwaanda wakutaanguna

Ino inga ndatondesha buyani ayi ndishi alimwi ndapa bulemu nshila Yesu njatosebensesha kwaabila bantu shakulya shakumushimu?