Amuye ku shebo

Amuye ku shebo shimwi shiliimo

Amuye pa mitwi iliimo

Bakamboni Bakwe Yehova

Cilenje

Buumi bwa Bwineklistu Alimwi Anciito Yesu  |  April 2017

 BUUMI BWA BWINEKLISTU

Amubatambule Camaansa Obilo

Amubatambule Camaansa Obilo

Kutambula baani? Uliwoonse usa kumabungano esu Abwineklistu—kutalikila baabo bakatalika coonono alimwi abeshicibusa besu bakalekale. (Ro. 15:7; Heb. 13:2) Inga waba ngumushominyineesu wesa mukufwakasha kuswa kucishi cimwi na mukwesu nabi nankashi wakalinga wacileka kusa kumabungano kwamyaaka iinji. Amuyeeye mbweenga mwalinyumfwa na ndimwe. Sa inga tamusangalali kumutambula camaansa obilo? (Mt. 7:12) Aboobo inga caba kabotu kweelesha kucana ciindi cakwaansha bamwi paŊanda ya Bwaami kubungana kakutana kutalika na pesule lya kubungana. Kucita boobo kulatucafwa kusangalala akutondesha lusuno lwesu alimwi ici cilapa bulemu kuli Yehova. (Mt. 5:16) Ncakwiila, inga tatucikonshi kwaamba a boonse besa. Nacibi boobo, na soonse twabaanamo nkokwaamba ayi uli woonse inga walinyumfwa ayi ndatambulwa. *

Kutambula beensu camaansa obilo takweelete kweelabo ciindi camabungano alibetele mbuli Ciibalusho. Na abo besako ciindi cakutaanguna kumabungano esu babona mbotutondesha lusuno lwancinencine, inga bayuminishikwa kulumbaisha Yehova akutalika kupaila andiswe mukulambila kwancine.—Joh. 13:35.

^ par. 3 Mukwiinga tulakonkela njiisho shamu Baibo, tatweelete kunyumfwana abaabo bakakushikwa mulibungano nabi bakalipansanya beene na besa kumabungano.—1 Ko. 5:11; 2 Joh. 10.