Amuye ku shebo

Amuye ku shebo shimwi shiliimo

Amuye pa mitwi iliimo

Bakamboni Bakwe Yehova

Cilenje

Buumi bwa Bwineklistu Alimwi Anciito Yesu  |  April 2017

 BUUMI BWA BWINEKLISTU

Inga Mwayuminisha Mwineklistu Wakaboolela Mwisule

Inga Mwayuminisha Mwineklistu Wakaboolela Mwisule

Pacibili, April 11, beneklistu baanji bakaboolela mwisule balaakusa kuCiibalusho. Bakalinga batalika kabotu lubilo lwakubuumi ono bakaboolela mwisule ceebo ca milandu ipusenepusene, imwi njilya yakaambwa mubuloshuwa ya Amuboolele kuli Yehova. (Heb. 12:1) Nacibi boobo, Yehova ucibasuni abuumbi bantu bakwe mbwakoola abulowa bwamwanaakwe. (Mil. 20:28; 1Pe. 1:18, 19) Ino inga twabacafwa buyani kwaamba ayi baboolele kulibungano?

Bweenka mbuli mweembeshi mbwaeelesha cankusu kulangoola mbelele shakasoweka, bamanene mulibungano balasebensa cankusu kwaamba ayi bacane alimwi akucafwa Beneklistu bakaboolela mwisule. (Lk. 15:4-7) Ici cilatondesha kwaamba ayi Yehova ulitusuni. (Je. 23:3, 4) Teshibo bamanene beenka beenga bayuminisha baabo bakaboolela mwisule, soonse inga twacita boobo. Yehova ulakondwa alimwi ulaakutupa cilambu na katweelesha cankusu kutondesha lusuno ankuumbu kubaabo bakaboolela mwisule. (Tu. 19:17; Mil. 20:35) Aboobo, amuyeeyeko womwi wakaboolela mwisule ngweenga mwayuminisha cakufwambaana!

AMWEEBELE VIDYO ICITE MUTWI UTOKWAAMBA AYI AMUYUMINISHE BAKABOOLELA MWISULE, PESULE AMUBANDIKE MIIPUSHO ITOKONKAAWO:

  • Ino Abbey wakacita buyani ndyaakacana Kamboni ngwatakalinga kushiiwo?

  • Ino nceebonshi tulyeelete kulwiita bamanene katutana kuya mukucafwa muntu wakaboolela mwisule?

  • Ino Abbey wakalibambila buyani kaatana kuya mukufwakashila Laura ciindi cabili?

  • Ino Abbey wakatondesha buyani kutaboola mwisule, kukalika moyo, alimwi alusuno ndyaakalinga kweelesha kuyuminisha Laura?

  • Ino inga tweeya nshi kuswa kucikoshanyo cakwe Yesu cili palilembo lya Luka 15:8-10?

  • Ino nshiinshi shibotu shakacitika pamulandu wakwelesha cankusu kucafwa Laura?