Mbangululu za Bibila za mu anglais zazingi, ntiana Bible du Roi Jacques, zisarilaka ntêlo ya “benga dia tiya” mu verse zakaka. (Mikunga 16:10; Bisalu 2:27 a) Ntiana buta wa songela bifwani bia mabundu mu mutu-diambu wu, bantu babingi bakwikilaka ti benga dia tiya mbuka yena yibâka na tiya twa ntangu zazansoni, mpe ku basembelaka bantu ba mbi. Kâ, ngano Bibila ni mio dilongesaka?

Mu mutu-diambu wu

•  Ngano benga dia tiya mbuka yena ya mpasi za mankululu?

•  Ngano tifwani tia Lazare na muntu wa mvwama bwe tita zolo tâ?

•  Ngano benga dia tiya tihambula na Nzambi yimonekesaka?

•  Ngano nani wakuluka mu benga dia tiya?

•  Verse zizonzelaka benga dia tiya, peleko ndiamu

•  Ntêlo za Bibila za mazu ma ntete

•  Tinsamu tia benga dia tiya

 Kâni. Ntêlo zibabanguri mu “benga dia tiya” mu mbangululu zakaka za Bibila (mu Hebre: “shéol”; na mu Greke, “hadès”) zizololo tâ “Ndiamu,” mpila mosi ndiamu ya bantu babansoni. Bibila ditâka ti bô bê mu “Ndiamu” ka basiri’â ba moyo ko.

•   Bantu ba fwa ka bazebi’â tima ko, buna ka balendi’â bamona mpasi ko. ‘Ka kwena kani tisalu ko, kani nzindu, kani luzabu, kani bunsuga ku nsi ya bafwa kuta kwenda.” (Ekleziaste 9:10, mbangululu ya BÎBILA KIA KINTUÂRI) Ku benga dia tiya ka kwena diyawululu za mpasi ko. Bibila ditêle ti: “Kâ minsa-mbi mia fwa nsoni, miakangama munwa nkieti bô bakoka ku nsi ya fwa.”—Mikunga 31:18, BÎBILA KIA KINTUÂRI.

•   Nzambi têle ti, mfutulu masumu ni lufwa, ka mpasi’â ko za ntangu zazansoni ku benga dia tiya. Nzambi watâ kwe muntu wa ntete Adame ti, bu kaketi kolamane musiku’andi mbo kaketi fwa. (Mbatukulu 2:17) Kani kabwe ka zonzela mpasi za ntangu zazansoni ko ku benga dia tiya. Adame bu kamana sumuka, Nzambi wamutêla nti biaketi bâ nsembolo’andi: “Mu mutoto watuka, mu mutoto kwa mpe kala.” (Mbatukulu 3:19) Adame ka keti’â vutu bâ wa moyo ko. Tala ti Nzambi wawaya mu tambika Adame ku benga dia tiya, diangana mbo kaketi watâ. Nsembolo ya bô bamukolamanaka, Nzambi ka soba ko. Ntangu yayingi ha manima ma masumu ma Adame, Nzambi watuma titsoniki tia Bibila mu tsoneka: “Mfutulu masumu, ni lufwa.” (Bisi-Rome 6:23) Ka kwena nsatu nsembolo yakaka ko, mu bungu ti,“wô fwiri kûlukiri mu masumu.”​—Bisi-Rome 6:7.

•   Kwe Nzambi, mabanza ma mwisa muntu mpasi ntangu zazansoni ma mbi mena. (Yeremi 32:35) Mabanza ma mwisa muntu mpasi ntangu zazansoni, ka mata delakana ko na mio mi longesaka Bibila ti “Nzambi Nkwa luzolo.” (1 Za 4:8) Yandi zololo ti tamusambila mu luzolo, ka mu bunkuta ko bwa mona mpasi ntangu zazansoni.​—Matie 22:36-38.

•   Bantu ba mbote bayenda ku benga dia tiya. Mabibila mo masarilaka ntêlo ya “benga dia tiya” matâka ti bisari bia kwikama ntiana Yakobe na Yobe bakekolo ti benda ku benga dia tiya. (Mbatukulu 37:35; Yobe 14:13) Mbo matâka ti Yezu mpe wayenga ku benga dia tiya ha lufwa lwandi na ntete mvumbukulu’andi. (Bisalu 2:31, 32) Buna, mu Mabibila mo, ntêlo ya “benga dia tiya” yizololo tâ kwa Ndiamu. b

 Tinsamu tio tia sarila Yezu mu Like 16:19-31 tiena. Binsamu bio bifwani biena bilongesa malongi ma ndiatulu peleko ma timpeve. Tinsamu tia muntu wa mvwama na Lazare ka tiena tia matieleka ko. (Matie 13:34) Mu longoka misamu miamingi mu tinsamu tio, tala mutu-diambu “Ngano muntu wa mvwama na Lazare ba nani babâ?”

 Kâni. Ndongosolo yi tâka ti bantu bafwa bahambana bêna Nzambi, ka yita delakana ko na misamu mi tomo longesaka Bibila ti bantu ba fwa ka bazebi’â tima ko.​—Mikunga 146:3, 4; Ekleziaste 9:5.

 Yee. Bibila tinsamu tia bantu vwa (9) dizonzelaka bayenda mu Ndiamu (yi babanguri mu “benga dia tiya” mu Mabibila makaka) mpe babavumbula kwe bafwa. c Tala ti bazaba misamu bu babâ ku benga tia tiya, mbo baketi zonzela misamu mi babwabana na mio. Kâ nakani mosi mu bawu watâ ti mpasi ka mweni, peleko misamu miakaka kabwabana na mio. Mu bungu dia nti? Mu bungu ti, ntiana bu tâka Bibila, bantu bô ka beri’â vutu zabaka misamu ko, ntiana bawu babwiri “tolo” twa ngolo.​—Za 11:11-14; 1 Bisi-Korente 15:3-6.