Yenda he misamu

Yenda he misamu mia mikufi

 TIMOKO TIA 13

Ntsia nsangu za mbote zeko mu bungu dia mabundu?

Ntsia nsangu za mbote zeko mu bungu dia mabundu?

1. Ngâna mabundu mamansoni mamabote mena e?

Mu mabundu mamansoni bantu be na mutima wambote mô belebe. Nsangu za mbote zena ti Nzàmbi bantu bô babansoni bâ kamonaka mpe bâ kabandilaka. Kâ musamu wa tsiari, mbi yayingi yiyilamaka mu nza mu nkumbu ya dibundu. (2 Bisi-Korente 4:3, 4; 11:13-15) Lapolo za bimwangishi bia nsangu zisongele ti mabundu makaka makotaka mu ngondolo za bantu babûna (terrorisme), mu mfukusulu za mvila za bantu, mu mizingu na mu vukasa nitu mu ngolo na bala bafieti. Bantu be na mutima wambote diambu diango ngula tsiadi dibataka.​—Tanga Matie 24:3-5, 11, 12.

Ku lweka lumoshi, dibundu dia matsieleka Nzàmbi dikembesaka, kâ ku lweka lwakaka dibundu dia bungungu fwemesa dimufwemesaka. Mabandza malombolo ba mu Bibila dilongisaka, bushiri bungungu butatarila Nzàmbi, na butatarila lufwa. Kâ peleko Yehova wenandi bantu bazaba matsieleka mu yandi.​—Tanga Ezekiele 18:4; 1 Timote 2:3-5.

2. Ntsia nsangu za mbote ze kô mu bungu dia mabundu e?

Bôkwa, mabundu mô mataka ti Nzàmbi yandi bazololo kâ ntsio mu matsieleka bazololo nza ya Satana Nzàmbi kayangalalaka mo ko. (Zaki 4:4) Zu dia Nzàmbi mabundu mamansoni ma bungungu nkumbu “Babilone ya yinene” ditaka mo. Babilone dieri hata dia ntama kô kwabatsikila dibundu dia bungungu hamanima ma mvulu ya ndolo ya ntangu ya Nowa. Ntamana Nzàmbi mbokasukisa mu mpila ya tâpulukusu dibundu dio diwumunaka mpe diniekonaka bantu.​—Tanga Nzabukusu 17:1, 2, 5, 16, 17; 18:8.

Nsangu ze kô ziyokele bubote. Yehova kazimbakanâ bantu be na mutima wambote bô bamwangane mu mabundu ma bungungu mu nza yam’kaka ko. Matsieleka katabalongisa ngatsi kabakutakasa hatsimoshi.​—Tanga Mika 4:2, 5.

 3. Bantu be na mutima wambote ntsi bafweni sa e?

Dibundu dia matsieleka bantu dita vukasa mu tintwari

Yehova bantu bazololo matsieleka na mbote kabandilaka. Bawu katakwayila bashisa mabundu ma bungungu. Bantu bô bazololo Nzàmbi mu mutima moshi mbo batambulaka mu sa nsobolo ngati ba m’ta nsayi.​—Tanga Nzabukusu 18:4.

Mu tsikeke tsiantete, bô bantu beri na mutima wambote mbobawa nsangu za mbote mu munwa wa bantumwa, bayangalala. Yehova wabalongesa mpila yamona ya diatishila luzingu lwawu, luzingu luyokele nsayi, mpe lwe na tsivuvu. Bifwani biabibote biena kwe beto lumbuti bungu ti mbobatambula nsangu za mbote bayizitula Yehova ha mbuka yantete mu luzingu lwawu.​—Tanga 1 Bisi-Tesalonike 1:8, 9; 2:13.

Bantu bô batashisa mabundu ma bungugu Yehova bâ katabwana mu katsi dia kanda diandi dia misambiri. Wamana tambula mbila ya nsayi yitakuta Yehova, mbo ba ndiku’andi, mbo baka kanda diamona die na luzolo dia bampwanaku misambiri mia Yehova, mpe luzingu lwa mankululu.​—Tanga Marke 10:29, 30; 2 Bisi-Korente 6:17, 18.

4. Ntsia mpila Nzàmbi kanatina nsayi mu ntsi zazansoni e?

Mfundusulu yitakwiza ya mabundu ma bungungu zena nsangu za mbote. Mbo yikûla bantu ba nza yam’kaka mu mfietokoso. Mabundu mango kamavutwa sâ wumuna na hambula bantu ko. Bantu babansoni baba ha zulu m’toto mbo bavukana mu nsambululu ya Nzàmbi moshi kwa ya matsieleka.​—Tanga Nzabukusu 18:20, 21; 21:3, 4.