Tolokeleni

Tolokeleni muye pa fyebo fya bubili

Bamboni sha BaYawe

IciLamba

Kani Bamboni sha BaYawe Balapoka Ifya pe Kumi?

Kani Bamboni sha BaYawe Balapoka Ifya pe Kumi?

Koku, Bamboni sha baYawe tabapokapo ifya pe kumi; umulimo wesu ulofweleshiwako ne fya mpese ifi abantu bapeela mukulitemenwa. Kani ifya pe kumi findo, kabili nindo Bamboni sha baYawe tabapokelapo ifya pe kumi?

Ifunde lya kupeela ifya pe kumi, neli ukupeela ifya pe kumi pa fintu ifi umuntu akwete, lyali pa mafunde baLesa bapeele abaIshilaeli ba kale. Nangabefyo, Baibolo ilalabila apaswetele ati ili funde—ukubikako ne ‘kufundwa ati balukufumyapo ifya pe kumi’—talipyungapo ku baKlistu.—AbaEbeya 7:5, 18; AbaKolosai 2:13, 14.

Pa mupunda wa kupoka ifya pe kumi ne fya mpese, Bamboni sha baYawe balatenteka abaKlistu bakutanga ne kofweleshako umulimo wa kutulisha mu nshila shibili: pa kupyungako umulimo wa kutulisha ne kusambisha abantu ukwakubula ukubalipila ne kupeela ifya mpese ifi bapeela mukulitemenwa.

Popele tulalonda uku kufunda ukupeelwe ku baKlistu: “Abantu bonse ngaapele koti ni fyopele’fyo ifi alandakanya mu mutima wakwe, ne nsoni teko, neli ni pakuti pa kupanjilwa koku; pakuti baLesa balatemwa umuntu uupela ne mutima wakwe wonse.”—2 AbaKolinto 9:7.