Tolokeleni

Tolokeleni muye pa filukusangwamo

 IFICINDEME IFI TUSAMBILILA MU MASHIWI ABALESA | JOBO 1-5

Jobo Aalipitilishe Ukuba Uwa Bucine na Lyelyo Aalukweshiwa

Jobo Aalipitilishe Ukuba Uwa Bucine na Lyelyo Aalukweshiwa

Jobo alukwikala mu Use pa mpindi ili abaIshilaeli baali mu busha mu Ijipiti. Nangaba ati Jobo taalipo muIshilaeli, aalukupempela baYawe muli bucine. Aali ne cisoolo icikulu, ububoni, kabili alishibikilwe makosa mu mupunda alukwikala. Aali ni mpemba iicetekelwe kabili uwa kusolola uwakubula umusalululo. Aalukofwelesha abapengele. Jobo aali muntu umulungeme.

Jobo aalilangishe apatubile ati baYawe baali muntu umucindeme makosa mu mweo wakwe

1:8-11, 22; 2:2-5

  • Satana aalibwene bucine bwakwe Jobo. Talukukanikapo ati jobo aalukumfwila baYawe; sombi, aalukukanika icalengeshe Jobo ukuba uwa bucine

  • Satana alipikishe ati icalukulengesha Jobo ukupyungila baYawe ni pakuti pa fintu balukumucitila

  • Pa kwasuka Satana, baYawe balisuminishe Satana ukwesha uyu mwalalume wa bucetekelo. Satana aaliletele ifyakukatasha pali fyonse ifi Jobo akwete mu mweo wakwe

  • Ili Jobo apitilishe ukuba uwa bucine, Satana alikanikile bucine bwa bantu bonse

  • Jobo tabifishe neli ukulangisha koti baLesa balicitilepo ifintu ifibipile kuli ye