Tolokeleni

Tolokeleni muye pa filukusangwamo

 IFICINDEME IFI TUSAMBILILA MU MASHIWI ABALESA | AMASAMO 34-37

Kopemamo muli baYawe, Ulukucita Ifiweme

Kopemamo muli baYawe, Ulukucita Ifiweme

‘Tekulukulikatasha mu mutima pakuti . . . pa balukucita ifi tafilungeme’

7:1, 2

  • Tekuleka ubutende bwa mbifi ubwa pa mpindi inini ukumuciicileni ukupyungila baYawe. Pitilisheni ukubika akalango kuli fyefyo mufwaya ukucita mu kwanshika kwa baLesa na ku mashuko aalimo

“Kocetekela muli baYawe,Ulukucita ifiweme”

37:3

  • Cetekeleni ati baYawe bakamofweniko ukushilisha ukukanika ukuli konse neli ukubamba mu mutima. Bakamofweniko ukupitilisha ukuba ne bucetekelo

  • Pitilisheni ukulukutulisha icebo iciweme ica Bufumu bwa baLesa

“Kosangalala kabili muli baYawe”

37:4

  • Anshikeni impindi ya kupenda Baibolo ne kwalakanyapo, pakweba ati mwishibe bwino baYawe

“Ubaposele baYawe inshila yobe”

37:5, 6

  • Cetekeleni makosa muli baYawe ati bakamofweniko mu makatasho onse

  • Pitilisheni ukuba ne mibelo iiweme ili balukumukanyeni, ukumupensheni, neli ukulabila ifya bufi pali mwebo

“Kotushisha muli baYawe, ulukubapembelela ne mutimanteka”

37:7-9

  • Tekucita ifintu mu kwangufya, ni pakuti fingashilisha ukusangalala mukwete kabili ifingonaala bucibusa bwenu na baYawe

“Abatekenye mu mitima ebakapyane’calo”

37:10, 11

  • Beni abatekenye, kabili abalicefeshe ili mulukupembelela ati baYawe bakafumyepo ifisendeme fyonse ifi mupitamo

  • Mulukofwako abaklistu babyenu, ne kusangalasha ababombomene pa kubabuulako ukulaya kwa baLesa ukwa kuleta icalo ca bukumo icili apepi ukwisa

Ubufumu bwa buMasaya bukaleta amashuko aakuti ubwingi