Tolokeleni

Tolokeleni muye pa filukusangwamo

 AMEKALILO ABUKLISTU

“Ni Nebo Nkuno, Ntumeni!”

“Ni Nebo Nkuno, Ntumeni!”

Tungatenteka ukulipeelesha kwakwe Yisaya. Aalilangishe ubucetekelo ne kulipeelesha pa kusumina ukupyunga umulimo penka’po nangaba ati taishibilepo bwino fyonse ifyasankenemo. (Yisa. 6:8) Kani mungaalulako amekalilo enu pakweba ati muye mu kupyungila ukulukupengelwa abakutulisha abengi? (Amasa. 110:3) Fyacine ukweba ati, mulyelelwe “ukulukupenda” ifingapooswapo, neli ati ukwanshika bwino ili tamugacite’fyo. (Luku 14:27, 28) Pano nangabe’fyo, mulyelelwe ukulipeelesha ukupufyako amekalilo enu pa kofweleshako mu mulimo wa kutulisha. (Mat. 8:20; Mako 10:28-30) Koti ni fyefyo balabiilepo muli vidyo ya Ukupyungila Ukuli Ukupengelwa Ukukulu, amashuko tupokelela pa kupyungako imilimo ya baYawe alicililepo pa fintu fyonse lukoso ifi tungalipeelesha ukuleka ukucita.

PANUMA YA KUTAMBA VIDYO, ASUKENI IFI IFYAKWIPUSHA:

  • Kani umo umo mu cisoolo ca ba William alicitile shani pakweba ati baye mu kupyungila ku Ecuador?

  • Findo baalakenyepo ili balukusalulula ukwakuya mu kupyungila?

  • Ni esa amashuko balitemwishishe?

  • Ni kwisa mwingasangana ifyebo na fimbi kani mulukufwaya ukupyungila ukuli ukupengelwa ukukulu?

PA MAPEMPELO ACISOOLO AAKONKAPO MUKAMBAALE PALI FIFI IFYAKWIPUSHA:

  • Tungakushako shani umulimo wa kutulisha koti cisoolo? (km-CW 8/11 4-6)

  • Kani tekuti tupyungilepo ukuli ukupengelwa ukukulu, ni muli shisa nshila shimbi tungofweleshako mwi kelesha lyesu? (w16.03-E amabu. 23-25)