Tolokeleni

Tolokeleni muye pa filukusangwamo

 AMEKALILO ABUKLISTU

Iciputusha ca Bukumo Ica Kutofwako Ukutatika Ukwambala ne Bantu Ili Tulukutulisha

Iciputusha ca Bukumo Ica Kutofwako Ukutatika Ukwambala ne Bantu Ili Tulukutulisha

Ukutatika mu January 2016, ku nkupo ya kunuma iya Akatambo ka Wakulama aka kushiila abantu, kulukuba iciputusha ca kweba ati “Findo Baibolo Ilabilapo?” Ici ciputusha ca bukumo, cakutofwako ukutatika ukwambaala ne bantu ifya mu Baibolo. Cililembelwe mu musango untu umo amatalakiti alembelwemo. Cilukukwata icakwipusha ca kwalakanyapo eli pakonka icasuko ca mu Malembo, ne fyebo fimbi ifya kwambaalapo.

Ukwambaala bwino ifya mu Malembo, ilingi kulalengesha ukutatika amasambililo a Baibolo. Pyungisheni ici ciputusha ca bukumo ku kofwako abantu abengi na bambi ukushilisha insala ya ku mupashi. —Mat. 5:6.

IFYAKUPYUNGISHA ICI ICIPUTUSHA:

  1. Ipusheni aba mulukutulishako ifi balukulangulukapo pa ca kwipusha cimo pali fyefyo ifili pali cici iciputusha

  2. Kutikeni ili balukwasuka kabili batooteni ili bashila

  3. Pendeni ilembo ilili pa mutwi wa kweba ati “Findo Baibolo ilabilapo,” kabili bepusheni balabilepo ifi balukulangulukapo pe lembo. Kani bali ne mpindi, pitilisheni ukwambaala, pa mutwi wa kweba ati “Findo Fimbi Tungasambililamo mu Baibolo?”

  4. Bapeeleni makashini

  5. Anshikeni ili mukabwelelako mu kwambaala icakwipusha ca bubili