Tolokeleni

Tolokeleni muye pa fyebo fya bubili

Tolokeleni muye pa filukusangwamo

Bamboni sha BaYawe

IciLamba

Akatambo ka Wakulama  |  October 2015

‘Mulukubacito’mucinshi aba Kube’fyo’

‘Mulukubacito’mucinshi aba Kube’fyo’

UKUFUMA mu 1992, Ibumba Ilitangilila lilisalulwile abakulu ba mwi kelesha abeshi ifya kupyunge’milimo kabili abakulu mu fya baLesa ukweba ati balukofweleshako mu makomiti ye Bumba Ilitangilila. * Aba abalalume, aba mwi bumba lya ‘mbelele shimbi,’ balofwako makosa Ibumba Ilitangilila. (Yoane 10:16) Balasangwako ku kumana ukucitwa umulungu ne mulungu ukwa yeyo komiti balimo. Umulimo wabo kubuulako Ibumba Ilitangilila ifilukucitika mu kwanshika kwa baLesa ne kulibuulako ifingacitwa. Mu kupelako, aba mwi Bumba Ilitangilila e basalululapo ifyelelwe ukucitwa, kabili abofweleshako mu makomiti e babona ukweba ati ifi Ibumba Ilitangilila lyasalululapo fyacitwa. Aba abakwabesu balalitemenwa ukupyunge’milimo yonse lukoso yeyo bapeelwa. Balaya ne ba mwi Bumba Ilitangilila ku mabungano aalibelele na ku mabungano ukusangwa abantu abafuma mu fyalo ifilekenelekene. Nakabili, shimbi impindi bangabatuma ku maofeshi amitano mu kwimakaninako amaofeshi aakulu aya Bamboni sha BaYawe.

Umukwabesu umo uofweleko Ibumba Ilitangilila ukufuma mu 1992 alilabiile ati, “Kani nakonsha imilimo napeelwa, ninshi ndukofwako Ibumba Ilitangilila ukubiika makosa akalango ku fya baLesa.” Na umbi umukwabesu uofweleko Ibumba Ilitangilila pa myaka 20 alilabiile ati, “Ukofwako Ibumba Ilitangilila lishuko ilyakuti ubukulu lyelyo nshinalukucetekelapo.”

Ibumba Ilitangilila lilipeele abakulyofwako imilimo iingi kabili lilatoota pa kupyungisha kwa baba abakwabesu ba bucetekelo. Na muli fyefyo, fwense nga ‘tulukubacito’mucinshi aba kube’fyo.’—AbaFilipoi 2:29.

^ par. 2 Kani mulukufwaya ukumfwilapo ifyebo na fimbi pali fyefyo amakomiti 6 aye Bumba Ilitangilila apyunga, boneni ibuuku lya mu Cibemba ilya Ubufumu bwa kwa Lesa Bwalitendeka Ukuteka! pe buula 131.