Tolokeleni

Tolokeleni muye pa filukusangwamo

 UMUTWI WA INO MAKASHINI | BAIBOLO—ILYASHI LYA FYEFYO YAPULUKILE

Umulandu Baibolo Ipulukiile

Umulandu Baibolo Ipulukiile

Baibolo ilipulukile. Pakuti pali fyefyo, na mwebo mungakwata Baibolo yenu. Nakabili, kani mwasalulula ukupenda Baibolo iilungeme, mungacetekela ati mwakulukupenda ifyebo ifipalene ne fyalembelwe pa kutanga lukoso. * Pano, nindo Baibolo ipulukiile ku kubola, ku konaalwa, na kuli baabo abaalukufwaya ukwalulamo ifyebo fimo? Kani ili ibuuku lililibelele shani?

“Pano ndiishi ati Baibolo iyi nkwete ni mpese iifumine kuli baLesa”

Abasambile ba Baibolo abengi balisuminisheko ku fyalabiile intangishi Paulu, iyalembele ati: “Amalembo onse alunjicilwe afumine kuli baLesa.” (2 Timote 3:16) Balicetekele ati Baibolo ilipulukile ni pakuti Lishiwi ililibelele ilya baLesa kabili ni pakuti baLesa baliilamine ukufika na ino mpindi. Ba Faizal, abalabilwapo mu ciputusha ca kutanga, baalisalulwilepo ukulifwaila bucine abene ukupitila mu kusambilila Baibolo. Ifi baishile mu kwishiba fyalibakankamikile. Balisambilile ati mu Baibolo tamulipo ubusambishi bwa bufi ubufulile mu mapempelo abufi. Nakabili, baalisangalashiwe pa kwishiba ukufwaya kwa baLesa ukulembelwe mu Mashiwi Abo.

Ba Faizal baalilabiile ati: “Pano ndiishi ati Baibolo iyi nkwete ni mpese iifumine kuli baLesa. Eli, baLesa kani bangapange’calo, tali bangakwata ne amakosa aakutupeela ibuuku ne kulilama bwino? Ukulabila ati baLesa bangafilwa ukucite’fyo, kupufya amakosa a Bamakosa onse! Kabili ni nebo nani uwakukanika amakosa abaLesa?”Yisaya 40:8.

^ par. 3 Boneni iciputusha icili ne mutwi wa kweba ati: “Cinshi Cingamwafwa Ukusala Baibolo Iyo Bapilibula Bwino?” mu Akatambo ka Wakulama aka May 1, 2008 aka Cibemba.