Tolokeleni

Tolokeleni muye pa filukusangwamo

Kani Mungaanuka?

Kani Mungaanuka?

Kani mulipendelemo makosa mu mamakashini ya Akatambo ka Wakulama aafumine bukumo? Popele, boneni kani mungaasuka ifyakwipusha fyakonkapo:

Ni kwisa kubifya baYesu baalabiilepo ukwelelwa ne kufunda ukulembelwe pali Matayo 18:15-17?

BaYesu baalukulabila pa makatasho ao abantu abapusana bangashilisha. Pano aya amakatasho akulu icakweba’ti ukufilwa ukuashilisha kungalengesha ukutamfiwa. Ku cakubwenako, ukubifya kungaba lwefyo, neli kungaba kutumpaika.—w16.05, ibu. 11.

Mungacita shani pakweba’ti mubwenemo makosa mu kupenda Baibolo?

Mungacita ifyakonkapo: Mulukubika akalango ku fyebo fyonse, ne kubona ifi mungapyungisha ifyo ifyebo; mulukulipusha ifyakwipusha ifili koti ni fifi, ‘Ningafipyungisha shani ku kofwako bambi?’; kabili mulukupyungisha amabuuku esu ukufwaya-fwailapo ifyebo na fimbi.—w16.05, amabu. 29-30.

Kani cibipile ku muKlistu ukubombomana nangaba’ti alicetekele ati kukaba ukubuuka?

Ukucetekela ati kukaba ukubuuka takushilishapo ukusoomenwa uku umuKlistu angaba nako pa kufwilwa umukwabo. Ablaamu aalimulilile Sala. (Ifyakuta. 23:2) Kani papita impindi, ukubombomana kulacepako.—wp16.05, ibu. 4.

Kani umwalalume uwali na kalusengo ka inki aka mulembeshi uulabilwepo muli Esiceli icapitala 9, ne balalume 6 abali ne fyensho fya kwipayala balemakaninako bani?

Balemakaninako ifita fya mwiulu ifyaonawileko umushi wa Jelusalemi kabili ifikonaalako ne calo cakwe Satana pa nkondo ya Amagedono. Pali bubuno bukumo, umwalalume uwali na kalusengo ka inki alemakaninako baYesu Klistu, abalemba abakapuluka.—w16.06, amabu. 31-32.

Kani ni kuli findo Baibolo yapulukile?

Yalipulukile (1) ku kubola kwa fintu ifi balukulembapo ifili koti fipepetu ne fiseba; (2) ku ba mapolitiki ne ntangishi sha mapempelo abaalukufwaya ukuyonaala; na (3) ku baalukufwaya ukwalulamo ifyebo.—wp16.07, amabu. 4-7.

Kani umuKlistu angapufyako shani amekalilo akwe?

Ishibeni ifi mupengela, kabili lekeni ukushita ifi tamupengelapo. Anshikeni ifyakupyungisha indalama. Pooseni neli peeleni ifi tamupyungishapo, kabili shileni ukulipila inkongole shonse. Cefyeniko impindi mupyunga ku ncito, kabili anshikeni ifi mungakushako ukutulisha.—w16.07, ibu. 12.

Findo Baibolo ibuulishishe ati filicilile umutengo pe golide neli ishilifa?

Pali Jobo 28:12, 15 palabuulishisha ati amano aakufuma kuli baLesa aweme ukucila na pe golide neli ishilifa. Ili mulukuafwaya-fwaya, mulukuli abalicefeshe kabili abakosele mu kucetekela.—w16.08, amabu. 18-19.

Kani cili icelelwe ku mukwabesu pali ino mpindi ukulama imyefu?

Ku mipunda imbi imyefu ishiputwilwe bwino shili cabe bwino, kabili tekuti shilengeshepo abantu ukubulo’kumfwa ku cebo iciweme. Nangabe’fyo, bambi abakwabesu bangasalululapo ukushifumyako shonse. (1 Koli. 8:9) Mu mipunda imbi, abaKlistu tabelelwepo ukulama imyefu.—w16.09, ibu. 21.

Nindo tungacetekelela ifi Baibolo ilabiilepo pali Dafidi na Golyati?

Pali ino mpindi, umuntu umutali makosa angepipako lukoso 15 cm kani kumulinganya kuli fyefyo Golyati atalimpile. Ifi baYesu baalabiile ne filembelwe fya kale ifilabiile pa ng’anda yakwe Dafidi, filabuulishisha ati Dafidi aali muntu wa cinenene. Ifi basangile filasuminanshanya ne mipunda iilabiilwepo mu Baibolo.—wp16.5-CW, ibu. 13.

Kani ukwishiba, akalango, ne mano filipusene shani?

Umuntu uuli ne kwishiba aliishi ifintu, neli bucine. Umuntu uuli ne kalango alabona ifi bucine eshi bwikatene ne fintu fimbi. Pano, umuntu uuli ne mano alapyungisha ukwishiba ne kalango ili alukucita fimo.—w16.10, ibu. 18.