Tolokeleni

Tolokeleni muye pa fyebo fya bubili

Tolokeleni muye pa filukusangwamo

Bamboni sha BaYawe

IciLamba

Icebo Iciweme Ukufuma Kuli BaLesa!

 Isambililo 14

Mba Nindo BaLesa Bakwatile Ukwanshika Kwabo?

Mba Nindo BaLesa Bakwatile Ukwanshika Kwabo?

1. Kani baLesa balyashikile shani abaIsilaeli ba kale?

BaLesa balyanshikile bakamufyalwa bakwe Ablaamu ukuba umukoka ne kubapeela amafunde. Baliwilicile uyo umukoka ati “Isilaeli” ne kubapeela umulimo wa kulama ukupempela kwa cine ne mashiwi abo. (Amasamo 147:19, 20) Popele, imikoka ya bantu yonse yalukushukilamo muli Isilaeli.—Pendeni Ifyakutaŋga 22:18.

BaLesa baalisalulwile abaIsilaeli ukuba imboni shabo. Ilyashi lya fyalukubacitikila akale lilalangisha ifi abantu bashukilamo mu kulama amafunde abaLesa. (Ndutelonomi 4:6) Kanshi, pakuti pa baIsilaeli, bambi abantu balukubeshiba baLesa bacine.—Pendeni Yisaya 43:10, 12.

2. Mba nindo abaKlistu bacine banshikiilwe?

Mukupita kwa mpindi, bucibusa pa baIsilaeli na baLesa bwalishilile, kabili pali woyo umukoka baYehova balipyanishepo ikelesha lya buKlistu. (Matayo 21:43; 23:37, 38) Buno bukumo, pa mupunda wa baIsilaeli, abaKlistu bacine e mboni sha baYehova.—Pendeni Ifyacitilwe 15:14, 17.

BaYesu baalyanshikile abasambile babo ati balukutulisha ne kupanga abasambile mu mishobo yonse. (Matayo 10:7, 11; 24:14; 28:19, 20) Uyu umulimo ulukupalamina mu kushila, mu kushila kwa mpindi ino. Ukufuma akale, ino e mpindi ya kutanga ili baYehova baikatanya amamilyoni abantu ukufuma mu mishobo yonse ukweba ati balukubapempela muli bucine. (Ukufisulula 7:9, 10) AbaKlistu bacine balyanshikilwe ukweba ati balukucenjeshanya ne kulukofwana. Mu calo conse, balalitemwesha ukusambilila Baibolo kuntu kumo pa kubungana kwabo.—Pendeni AbaEbeya 10:24, 25.

 3. Kani Bamboni sha BaYehova baalitatikile shani muli iino mpindi?

Ukwanshika kwa Bamboni sha BaYehova ukwa iino mpindi kwalitatikile mu myaka ya ba 1870. Ibumba lukoso ilinini ilya basambile ba Baibolo lyalitatikile ukusangana nakabili bucine bwa mu Baibolo ubwalubile akale. Baalishibile ukweba ati baYesu baalyanshikile aba mwi kelesha lya buKlistu ukweba ati balukutulisha, popele balitatikile ukutulisha pa Bufumu mu calo conse. Mu 1931 balisumiine ukwitwa ati Bamboni sha BaYehova.—Pendeni Ifyacitilwe 1:8; 2:1, 4; 5:42.

4. Kani Bamboni sha BaYehova balyanshikilwe shani?

Mu mpindi ya basambile ba kutanga, amakelesha abuKlistu mu fyalo ifingi aalishukilemo mwi bumba ilyalukutangilila ilyaishibile ukweba ati baYesu e Mutwi we kelesha. (Ifyacitilwe 16:4, 5) Koti ni fyopele’fyo, na bubuno bukumo Bamboni sha BaYehova mu fyalo fyonse balashukilamo mwi Bumba Ilitangilila umuli abakulu ba mwi kelesha abeshi bwino ifintu fya mu Malembo pakuti pa kupyunga pa myaka iingi. Ibumba Ilitangilila lilaceba pa maofeshi amitano iya Bamboni sha BaYehova aalula, ukupulinta, ne kutandanya amabuuku akusambililamo Baibolo mu milaka ukucila pali 600. Kanshi Ibumba Ilitangilila lingakoselesha ukufuma mu Malembo ne kutangilila amakelesha ukucila pali 100,000 mu calo conse. Mwi kelesha lyonse lukoso, abalalume abakonseshe ifyelelwe ukukumanisha e bapyunga koti bakulu ba mwi kelesha. Aba abalalume balalama itanga lya baLesa mu butemwe.—Pendeni 1 Petilo 5:2, 3.

Bamboni sha BaYehova balyanshikilwe ukweba ati balukutulisha icebo iciweme ne kupanga abasambile. Koti ni fyopele filya intangishi shalukucita, na fwebo tuluya mukutulisha mu maŋanda onse. (Ifyacitilwe 20:20) Nakabili, tulafwaisha ati tulukusambilila Baibolo na baabo abatemenwe bucine mu cinenene. Pano Bamboni sha BaYehova tabalipo kwanshika lukoso. Tuli cisoolo icili na baWishifwe ababutemwe. Tuli bakwabesu ne nkashi abalamanshanya. (2 AbaTesalonike 1:3) Pakuti abantu ba baYehova balyanshikilwe ukulukusangalasha baLesa ne kofwako abantu bambi, balipangile icisoolo icisangalele ukwakuti pa calo.—Pendeni Amasamo 33:12; Ifyacitilwe 20:35.