Tolokeleni

Tolokeleni muye pa fyebo fya bubili

Tolokeleni muye pa filukusangwamo

Bamboni sha BaYawe

IciLamba

Icebo Iciweme Ukufuma Kuli BaLesa!

 Isambililo 5

Mba Nindo BaLesa Balengele Icalo?

Mba Nindo BaLesa Balengele Icalo?

1. Mba nindo baLesa balengeele icalo?

BaYehova baalipeele icalo ku bantunshi. Epo twelelwe ukulukwikala. Popele, abantunshi babili aba kutanga, Adama na Efa, tabalengelwepo ati bakalukwikala mwiulu—baLesa balilengele kale inkalamba ati shilukwikala mwiulu. (Jobo 38:4, 7) Sombi, baLesa balibikile umwalalume wa kutanga mu paladaiso iyakuti ubune iyalukwitwa ati ibala lya Edeni. (Ifyakutaŋga 2:15-17) BaYehova baalimupeele ye ne bana aali ne kufyala kuntangiile ubucetekelo bwa kulitemwesha umweo wa kulukuyayaya pa calo.—Pendeni Amasamo 37:29; 115:16.

Pa kutanga lukoso, libala lya Edeni elyali paladaiso. Abantunshi babili aba kutanga baali ne kufyala abana pakweba ati bakumane mu calo. Mukupita kwa mpindi, baali ne kucikomeka icalo conse ne kucaalula ukuba paladaiso. (Ifyakutaŋga 1:28) Icalo tacikonalwapo neli limo. Inshiku shonse lukoso cikalukuli mupunda wa kwikalapo abantunshi.—Pendeni Amasamo 104:5.

2. Mba nindo buno bukumo icalo tacibelele ni paladaiso?

Adama na Efa balipulaishe kuli baLesa, popele baYehova balibatamfishemo mwi bala. Paladaiso yalilubile, kabili tapalipo umuntunshi uukonseshe ukuibukulusha. Baibolo ilalabila ati: “Icalo ca panshi cilipelwe mu minwe ya wakubifya.”—Jobo 9:24.—Pendeni Ifyakutaŋga 3:23, 24.

Kani lomba baYehova balifililwe ukucitila abantunshi ifi baalukufwaya pa kutanga? Koku! Ni baLesa bamakosa onse. Tekuti bafilwepo. (Yisaya 45:18) Bakabukulusha icisoolo ca bantunshi ati cikabe koti ni fyopele filya baalukufwaya ati cibe.—Pendeni Amasamo 37:11, 34.

3. Kani Paladaiso ikabukulushiwa shani?

Paladaiso ikabukulushiwa pa calo ili baYesu Imfumu ya Bufumu bwa baLesa bakalukwikalika. Mu nkondo iilicilwe ati Amagedono,  baYesu bakatangilila inkalamba sha baLesa ne konala bonse abo abacicila baLesa. Eli baYesu bakamukaka Satana pa myaka 1,000. Abantu ba baLesa bakapuluka uko ukonalwa ni pakuti baYesu bakabatangilila ne kubalama. Bakalukulitemwesha umweo wa muyayaya mu Paladaiso pa calo.—Pendeni Ukufisulula 20:1-3; 21:3, 4.

4. Mba ni lwisa ukupenga kukashila?

Mba ni lwisa baLesa bakashilisha bumbifi pa calo? BaYesu baalipeele ‘akeshibilo’ ka kulangisha ili ukushila kukapalamina. Ifilukucitika muli cicino icalo fingonala abantunshi kani fyapitilila kabili filukulangisha ukweba ati pano tulukwikala mu ‘kushila kwa mpindi.’—Pendeni Matayo 24:3, 7-14, 21, 22.

Ili baYesu bakalukwikalika kwiulu pa myaka 1,000, bakashilisha konse lukoso ukupenga pa calo. (Yisaya 9:6, 7; 11:9) Ukucila lukoso ukupyunga koti ni Mfumu, baYesu bakalukupyunga koti Mupapatilishi Umukulu kabili bakafisuumuna fyonse ifyakubifya fya baabo abatemenwe baLesa. Kanshi, pakuti pa kupyunga kwa baYesu, baLesa bakafumyapo ukulwala, ukucekula, ne mfwa.—Pendeni Yisaya 25:8; 33:24.

5. Mba ni bani abakalukwikala mu Paladaiso iilukwisa?

Pa Mulenda wa Bufumu, mukasangana abantu abatemenwe baLesa kabili abafwaya ukusambilila ifya kubasangalasha

Abantu abomfwila baLesa e bakalukwikala mu Paladaiso. (1 Yoane 2:17) BaYesu baalitumine abasambile babo ukuya mu kufwaya-fwaya abantu abalicefeshe ne kubasambisha ifya kuba abantu baabo baLesa bangapokelela. Shino nshiku, baYehova balukwanshika amamilyoni abantu ati kuntangiile bakekale mu Paladaiso pa calo. (Sefaniya 2:3) Pa Milenda ya Bufumu iya Bamboni sha BaYehova, abantu balasambilila ifya kuba abalume na bawishi abaweme ne fya kuba abakashi na banyina abaweme. Abana ne bafyashi balapempela pamo ne kusambilila ifi icebo iciweme cingabofwako.—Pendeni Mika 4:1-4.