Tolokeleni

Tolokeleni muye pa fyebo fya bubili

Tolokeleni muye pa filukusangwamo

Bamboni sha BaYawe

IciLamba

Icebo Iciweme Ukufuma Kuli BaLesa!

 Isambililo 1

Kani Icebo Iciweme Cindo?

Kani Icebo Iciweme Cindo?

1. Kani icebo icakufuma kuli baLesa cindo?

BaLesa balafwaya abantu ukulukwikala abasangalele pa calo. Baalilengele icalo na fyonse ifilimo ni pakuti balitemenwe abantunshi. Bukumo lukoso bakacita ifikalengesha abantu bonse pa calo ukwikala bwino kuntangiile. Bakafumyapo fyonse ifilengesha abantu ukupenga.—Pendeni Jelemiya 29:11.

Takulipo ubuteko ubukonseshe ukufumyapo bumbifi, amalwashi, ne mfwa. Pano kuli icebo iciweme. Bukumo, ubuteko bwa baLesa bukapyana ukuteka konse ukwa bantunshi. Abantunshi bakalitemwesha ubutende ne mweo uuweme.—Pendeni Yisaya 25:8; 33:24; Danyeli 2:44.

2. Mba nindo icebo iciweme cicindamine buno bukumo?

Ukupenga kukashila lukoso ili baLesa bakonala abantu ababipile pa calo. (Sefaniya 2:3) Pano ico ni lwisa cikacitika? Amashiwi abaLesa aalishimikile pa fintu ifipensha abantunshi pali iino mpindi. Ifilukucitika pali ino mpindi filalangisha ukweba ati bukumo lukoso baLesa bakashilisha ukupenga.—Pendeni 2 Timote 3:1-5.

3. Kani findo twelelwe ukucita?

Tulyelelwe ukusambilila pali baLesa ukufuma mu Mashiwi abo, Baibolo. Ili koti ni nkalata batulembeele bawishifwe ababutemwe. Ilatubuula ifitungekala bwino pali ino mpindi kabili na fyefyo ifitungaba ne shuko lya kwikala umuyayaya pa calo. Fya cine, abantu bambi tabakatemwapo kani babona ati mulukusambilila Baibolo. Pano pakuti baLesa balatulaya ati tukalukwikala bwino, tatwelelwepo ukumfwila abantu bambi kani batukaanya ukusambilila.—Pendeni Ifisimpi 29:25; Ukufisulula 14:6, 7.