Tolokeleni

Tolokeleni muye pa fyebo fya bubili

Bamboni sha BaYawe

IciLamba

Kani Icalo Cikaba Shani Kuntangiile?

Kani Icalo Cikaba Shani Kuntangiile?

Kani imibelo mu calo . . .

  • ikalukuli fyenke’fi ili?

  • ikabipilako?

  • ikawama?

 IFI BAIBOLO ILABILA

“BaLesa bakabasumwina iminsoshi yonse ku menso abo; tapakalukuli imfwa libili, neli ni nsoni, neli kulila, neli kusomenwa konse, tau; pakuti ifintu ifya kutanga filipitilile.”—Ukufisulula 21:3, 4.

IFI UKU UKULAYA KUNGAMOFWENIKO

Imilimo iiweme.—Yisaya 65:21-23.

Takukabapo amalwashi neli kupenga.—Yisaya 25:8; 33:24.

Ubwikashi ubuweme ubwa muyayaya pamo ne cisoolo ne fibusa.—Amasamo 37:11, 29.

 KANI MULI BUCINE TUNGACETEKELA IFI BAIBOLO ILABILA?

Inya, ni pakuti:

  • BaLesa balikwete amakosa akukonsha ifi balaya. Mu Baibolo, baYehova Lesa balabeta ati ‘Abamakosa onse,’ ni pakuti bali ne makosa ukwakuti. (Ukufisulula 15:3) Popele balalama ne kukonsha ukulaya kwabo ukwa kuwamya icalo cesu. Koti ni fyefyo Baibolo ilabila ati, “ifintu fyonse fileshibwa kuli baLesa.”—Matayo 19:26.

  • BaLesa balafwaisha ukukonsha ukulaya kwabo. Ku cakubwenako, baYehova ‘balafwaisha’ ukubuusha abafwile.—Jobo 14:14, 15.

Baibolo nakabili ilalabila ati Abana ba baLesa, baYesu, baalukuposha abalwashi. Mba nindo bacitiile’fyo? Ni pakuti balukufwaisha ukucite’fyo. (Mako 1:40, 41) BaYesu balilangishe imibelo ya baWishibo iya kufwaya ukofwako abalukupengela ukubofwako.—Yoane 14:9.

Popele tungacetekela ati baYehova na baYesu balafwaya ukutofwako pakweba ati tungalukwikala abasangalele kuntangiile!—Amasamo 72:12-14; 145:16; 2 Petilo 3:9.

 IFYAKWALAKANYAPO

Kani baLesa bakaalula shani icalo pakweba ati cikabe iciweme?

Baibolo ilaasuka ico icakwipusha pali MATAYO 6:9, 10 na DANYELI 2:44.