Tolokeleni

Tolokeleni muye pa filukusangwamo

 IFYEBO NA FIMBI

Kani Sheoli na Hadeshi Findo?

Kani Sheoli na Hadeshi Findo?

MU MULAKA balembelemo Baibolo pa kutanga lukoso, mu ciEbeya Baibolo ilapyungisha ishiwi sheʼohlʹ kabili mu ciGiliki ilapyungishe ishiwi ilipalene na lyelyo haiʹdes pambi na pambi ukufika ku miku 70. Amashiwi onse alalabila pa mfwa. AmaBaibolo ambi alaalula aya mashiwi ati “icilende,” “imanda,” neli “icilindi.” Nangabe’fyo, mu milaka iingi tamulipo amashiwi aangalula bwino ili ishiwi lya ciGiliki ne lya ciEbeya. Kani aya amashiwi alaalule’ndo? Ngatubone ifi apyungishiwa mu Baibolo.

Pa Uwakutulisya 9:10 palalabila ati: “Pakuti tapali-po neli milimo, neli cakwesya, neli kwisiba, neli mano muSyeoli uko ulukuya.” Kani ifi filukwaalula ati kulipo umupunda uubeta ati Syeoli, neli ati ni ku cilende ukutushiikile abakwabesu? Koku. Ili Baibolo ilabila pa mupunda wa kushiikako abantu, neli ku cilende, ilapyungisha amashiwi ambi aaciEbeya ne ciGiliki, taipyungishapo sheʼohlʹ na haiʹdes. (Ifyakutaŋga 23:7-9; Matayo 28:1) Kabili , Baibolo taipyungishapo ishiwi lya “Syeoli” kani ilukulabila ku manda kulya ukubashika umuntu uli onse kani afwa, ukuli koti ni ku manda ya cisoolo neli imanda ya bantunshi bonse.—Ifyakutaŋga 49:30, 31.

Pano “Syeoli” ilalosha kuli wisa mupunda? Amashiwi abaLesa alatubuula ukweba ati “Syeoli”, neli “Hadeshi,” talipo ni ku cilende kwenka kulya bashiika abantu bonse kani bafwa. Ku cakubwenako, Yisaya 5:14 alalabila ati “Syeoli walilikusisye nekucenama ukwakuti pakanwa kaciko.” Tungalabila ati nangaba ati Syeoli acenama ne kumina abantu abakuti ubwingi, tekutapo, alafwailapo na bambi. (Ifisimpi 30:15, 16) Mukupusanako ne filende fyenke’fi twishi, kuko kani abantu bafulisha abakushikako ninshi kwaisula, ‘Syeoli ne konalwa tafikutapo.’ (Ifisimpi 27:20) Ku Syeoli takwisulapo. Takulipo ukupela. Syeoli, neli Hadeshi, taulipo mupunda uuli pa mupunda umo lukoso. Tanje cine, pano ni kuko abantunshi baya kani bafwa, mupunda wa kwalakanya lukoso ukuli abafwile abengi.

Ukusambisha kwa Baibolo ukwa kubuuka ukufuma ku bafwile kulatofwako ukwishiba ifingi pali “Syeoli” na “Hadeshi.” Amashiwi  abaLesa alalabila ati ku Syeoli na ku Hadeshi e kuli abakabuka. * (Jobo 14:13; Ifyacitilwe 2:31; Ukufisulula 20:13) Kabili Amashiwi abaLesa alatubuula ati abo abali ku Syeoli, neli ku Hadeshi, talipo ni benka lukoso baabo abaalukupyungila baYehova pano na baabo abatababapyungiilepo eko bali. (Ifyakutaŋga 37:35; Amasamo 55:15) Pakuti pali fyefyo, Baibolo ilasambisha ati kukesa “ukubuka pamfwa kwabaluŋgeme nebasendeme.”—Ifyacitilwe 24:15.

^ par. 1 Mukupusanya, abafwile abatabakabukapo bo tabalipo mu Syeoli, neli mu Hadeshi, pano bo bali “muGeena.” (Matayo 5:30; 10:28; 23:33) Koti ni fyenka filya Syeoli na Hadeshi tailipo mipunda ya cinenene, Geena nawo mupunda wa kupalanya lukoso.