Tolokeleni

Tolokeleni muye pa fyebo fya bubili

Tolokeleni muye pa filukusangwamo

Bamboni sha BaYawe

IciLamba

Amalyashi ya mu Baibolo

Iciputusya 7: Ukubusiwa kwa BaYesu Ukufika ku Kukakwa Kwakwe Paulu

Iciputusya 7: Ukubusiwa kwa BaYesu Ukufika ku Kukakwa Kwakwe Paulu

Akasuba ka busitatu panuma ya mfwa yabo, baYesu balibusiwe. Pa kasuba ako balibwenekele ku basambile babo imiku iipusenepusene isanu. BaYesu balitwalilile ukuboneka kuli bo pa nsiku 40. Eli, ili bamo bamo abasambile babo balukubonako, baYesu balile kwiulu. Ili papitile insiku ikumi baLesa balipele umupasi uswetelele ku basambile ba baYesu abalukupembelela mu Jelusalemi.

Mukukonkapo, abapate ba baLesa baliposele intangisi mwi kati, pano inkalamba yalibafumisyemo. Stefano umusambile balimutobele amabwe ku bapate mpaka ne kufwa. Pano tulasambilila ifi baYesu basalululwile umo pali baba abapate ukuba umupyungisi wabo uulibelele, kabili alibele ni ntangisi Paulu. Eli, imyaka itatu na afu panuma ya mfwa ya baYesu, baLesa balitumine intangisi Petilo mu kutulisya kuli Konelyo ne ba mu ŋanda yakwe uutalipo muJuda.

Ili papitile cipale imyaka 13 Paulu alitatikileko ulwendo lwakwe ulwa kutanga ulwa kutulisya. Pa lwendo lwakwe ulwa bubili Timote alimukonkele Paulu. Tulasambilila ifi Paulu ne babyakwe alukwenda nabo bakwete impindi isingi isya kusangalasya mu kupyungila baLesa. Mukupelako Paulu alibikilwe mwi kati mu Loma. Ili papitile imyaka ibili, pano eli nakabili abikilwe mwi kati ne kwipaiwa. Ifyakucitika ifya mu CIPUTUSYA 7 fyalicitikile ukucila pa myaka cipale 32.

Ukutuba kwamupofula Saulu