Tolokeleni

Tolokeleni muye pa fyebo fya bubili

Tolokeleni muye pa filukusangwamo

Bamboni sha BaYawe

IciLamba

Amalyashi ya mu Baibolo

Icisimicisyo 95: Insila BaYesu Basambisisyamo

Icisimicisyo 95: Insila BaYesu Basambisisyamo

KAMBI kasuba baYesu babula umwalalume ukweba’ti alukutemwa umubyakwe. Umwalalume aipusya ati: ‘Mba ninani umubyanji?’ BaYesu baisiba ifi uyu mwalalume alukulanguluka. Uyu mwalalume alelanguluka ati sombi benka abantu abamusyobo wakwe na babo apempela nabo e babyakwe. Popele ngatubone ifi baYesu balabila kuli ye.

Simbi mpindi baYesu balasambisya ukupitila mu kusimika icisimicisyo. Ifi efi bacita pano. Basimika icisimicisyo ca muJuda ne muSamalya. Tulisambililepo kale ukweba’ti abaJuda tabatemenwepo abaSamalya. Nangabe’fyo, ici e cisimicisyo ca baYesu:

Kambi kasuba kwali umuJuda uwatentemukile ku nsila ya ku lupili alukuya ku Jeliko. Pano ifipondo fyamufukukila. Fyamupokolole’ndalama ne kumupama mpaka ili aabele koti mufwile.

Lomba, umupapatilisi umuJuda aalisile muli ilya yenke’nsila. Kabona umwalalume uwapaminwe. Kani ulukulanguluka ati findo acitilepo? Penka, aalipitilile ukumusesya ne kulukuya. Naumbi umuntu uwalukupempela makosa kaisa. Aali muLefai. Mba kani alimakene? Koku, naye taimakenepo mu kofwa uwapaminwe. Koti wamubona umupapatilisi ne muLefai apatali balukutentemuka mu nsila.

Pano bona uuli apa ne mwalalume uupaminwe. MuSamalya. Alukofwa umuJuda. Alukubika umuyanda pa filonda fyakwe. Panuma yafyefyo, apinta umuJuda ne kumubika ku mupunda angatusya ne kupola.

UmuSamalya umuweme umutima

Ili baYesu basila icisimicisyo cabo, baipusya icakwipusya ati: ‘Mba ninani pali babo botatu, ulukulanguluka’ti alibele mubyakwe kuli woyo uwapaminwe? Mba mupapatilisi, muLefai neli muSamalya?’

Umwalalume aasuka ati: ‘Mwalalume umuSamalya. Aali ne nkumbu ku mwalalume uwapaminwe.’

BaYesu balabila ati: ‘Waasuka bwino. Koya ukalukucita fyopele’fyo acitile.’

Mba tautemenwe insila baYesu basambisisyamo? Koti twasambilile’fingi, ificindeme kani twakutika ku fibalabila baYesu mu Baibolo, tefyo?

Luku 10:25-37.



Ifyakwipusya

  • Kani cisa cakwipusya umwalalume aipusya baYesu, kabili nindo aipusisya?
  • Findo baYesu balukupyungisya limo limo pa kusambisya, kabili findo twali twasambililapo pa baJuda ne baSamalya?
  • Mu cisimicisyo baYesu basimika, cindo cacitikila umuJuda uwalukuya ku musebo wakuya ku Jeliko?
  • Cindo cacitika ili umupapatilisi umuJuda ne muLefai bamusangana muli yenka ilye’nsila?
  • Mu cikope, ninani uulukofwa umuJuda uubapamine?
  • Ili baYesu basila icisimicisyo, cisa cakwipusya baipusya, kabili umwalalume aasuka syani?

Ifyakwipusya na fimbi

  • Pendeni Luku 10:25-37.

    Mu mupunda wa kwasuka icakwipusya, baYesu baofwa syani umwalalume uwisi imilangwe ye Funde ukulangulukapo icakwasuka pa mulandu enko’mwine? (Luku 10:26; Mat. 16:13-16)

    Kani baYesu balipyungisye syani ifyakubwenako pa kucimfya umusobololo ku balukubakutika? (Luku 10:36, 37; 18:9-14; Tito 1:9)