Tolokeleni

Tolokeleni muye pa fyebo fya bubili

Tolokeleni muye pa filukusangwamo

Bamboni sha BaYawe

IciLamba

Amalyashi ya mu Baibolo

Icisimicisyo 12: Abantu Baibaka Iŋanda Iitali Makosa

Icisimicisyo 12: Abantu Baibaka Iŋanda Iitali Makosa

IMYAKA iingi yapitapo. Abana bakwe Noa bafyala abana abengi. Ne bana nabo bakula ne kufyala abana abengi makosa. Impindi lukoso iinini abantu pa calo bafula.

Pali baba abantu paali ne cinsikululwa cakwe Noa isina lya cico ni Nimilodi. Aali muntu umubipile uwalukwipaya inama ne bantu. Umwine enka alilibikilepo pa bufumu ku kulukuteka pa bantu bonse. Nimilodi tabamutemenwepo baLesa.

Abantu bonse pali ilya mpindi baali ba mulaka umo. Nimilodi alukufwaya ati ababike pamo pakuti alukubateka. Pano kani ungesiba ifi acitile? Alibulile abantu ukweba’ti bebake umusi ne ŋande’itali mulya mwenka. Bona aba abalukupange’ncelwa.

BaYehoba Lesa tabasangalelepo muli kuku ukwibaka. BaLesa balukufwaya abantu ukupalangana ne kwikala pa calo ponse. Pano abantu balilabile ati: ‘Twendeni! Ngatulibacile umusi ne ŋanda iitali makosa, iyakuficilila lukoso kwiulu. Popele eli tukesibikwa makosa!’ Abantu balukufwaya ukulilemya, tabalukufwayapo ukulemya baLesa.

BaLesa kababakanya abantu ukwibaka iŋanda iitali. Mba kani ungesiba ifi bacitile? Mu mupunda wa kulabila umulaka umo, balibalengele ukutatika ukulabila imilaka iipusenepusene. Abalukwibaka kabaleka ukumfwa ifi ababyabo balukulabila. Ecalengele umusi wabo ukwitwa ati Babeli, neli Babiloni, icalula ukweba’ti “Icimfulunganya.”

Abantu kabatatika ne kupalangana ukufuma ku Babeli. Amabumba abantu aalukulabila umulaka umo balile mu kwikala ku mipunda simbi isya calo.

Ifyakutaŋga 10:1, 8-10; 11:1-9.

Abapyunjishi balukwibaka iŋanda iitali makosa


Ifyakwipusya

  • Mba Nimilodi aali ninani, kani baLesa balyumfwile syani pali ye?
  • Mu cikope, mba nindo abantu baalukupangila incelwa?
  • Mba nindo baYehoba tabasangalalilepo mu kwibaka?
  • Kani baLesa balicitile’ndo pa kukanya ukwibaka iŋande’itali?
  • Uyu umusi balukuwita syani, kabili mbe sine’lyo lilaalule’ndo?
  • Nicindo cacitikile ku bantu ili baLesa bafulungenye imilaka?

Ifyakwipusya na fimbi

  • Pendeni ifyakutaŋga 10:1, 8-10.

    Imibelo yakwe Nimilodi yali syani, kabili fwebo tungacenjesiwa syani? (Ifisi. 3:31)

  • Pendeni Ifyakutaŋga 11:1-9.

    Mba cindo baalukufwaila ukwibaka iŋanda iitali, kabili mba nindo bafililwe ukuisilisisya? (Taŋ. 11:4; Ifisi. 16:18; Yoa. 5:44)