Kare Aber Tye Acokacoka I Anyim!

“Odoŋ kare anonokkoro keken, jo a kitegi reco bino rwenyo atwal . . . Ento jo ame mwol bino leyo lobo, obino bedo i yomcuny meicel pi lonyo adwoŋ ame obino bedo kede.”—JABULI 37:10, 11.

ITYE kede miti me nenno icwil me kop odwarpiny ame ojuro malo-nu ka cobere? Aboŋo akalakala, imito. Tye tyen kop ocwiny me ye ni bino cobere acocok-ki.

Pwony abicel apapat ame okato onyamo ka icwillogo me kop odwarpiny me Baibul ame nyuto kannalar ni wan otye okwo i “kare me agikki.” (2 Temoteo 3:1-5) Obaŋa otugo cuny ococ me Baibul me kobbo kop i kom jammi-nono con wek wan obed kede gen. (Jo Roma 15:4) Cobere icwil me kop odwarpiny calo magi-nono nyuto ni pekki ame otye otikere kede i kare-ni doŋ cok gik.

Ŋo ame bino lubbo kare me agikki? Loc Obaŋa bino loyo jo luŋ. (Matayo 6:9) Nen koŋ gin ame Baibul kobo i kom kit ame kwo bino bedo kede i lobo i kare-nono:

● Obino jwayo kec oko. ‘Cam bino cek adwoŋ meicel i lobo naka i wi kiddi malo.’—Jabuli 72:16.

● Two daŋ obino jwayo oko. “Mom tye ŋattoro ame bedo i lobowa ame bino kobbo ni ‘An koma lit’”—Icaya 33:24.

● Lobo dok obino rocco doko anyen. “Lobo otwo kede tim bino lelo, ature bino turo iye calo kalaŋweka.”—Icaya 35:1.

Man ka bute mogo anonok keken me icwil me Baibul ame acocok-ki bino cobere. Piŋo pe ipeny Ocaden a Jeova me nyutti piŋo gin tye kede tekcuny ni kare aber tye acokacoka i anyim?