Co kede mon ame obedo ogen i nyomgi neno bala obedo notte ame myero rii pi naka, dok man kelo bedo agonya kede wic opye mot. Ŋat acel acel ame onyomere bedo kede tekcuny ni awottere ame enyomere kede agwokko nottegi i nyom, kadi naka i kare arac.

Jo mogo ame onyomere diye adia me bedo karacel pi lyeto ame owote nyo jo pacogi keto i komgi pe me gikko nyomgi. Adoŋ ber akato, obedo genne ame tye i kin ico kede dako ame onyomere kun cuŋ i kom mar kede woro ame tye i kingi.

CIK A YIE LAC ME BAIBUL: “Ico daŋ kur kwer cege.”—1 Jo Korinti 7:11.

“Ka ibedo agen i nyommi, cunyi pe tur yotoyot. Pe igalle kede timmo kede kwayo kica. Ineno pekki acalo iciki amyero ilweny kede, ento pe acalo tyen kop me ketto nyom.—Micah.

Ka pekki ocorogi, jo onyomere ame pe genne i kingi maro gikko kopgi ka doŋ ni, ‘Wan onwoŋo pe opore me bedo karacel i nyom’ eka ote cakko ka doŋ yenynyo yo me ŋwec i nyom oko.

“Jo apol donyo i nyom kede tam ni ka jammi pe owoto kakare, nwoŋo ‘gin okene me atima pwod tye’—ketto nyom. Ka jo donyo i nyom kede tam ni ka jammi pe owoto aber oketto oko, nwoŋo gennegi ocako bedo a pe cakere i acakki.”—Jean.

ŊIYE KOŊ PIRI KENI

Ka laro kopporo tye i kinwu. . .

• Icako paro ni kono pe inyomere kede ico nyo dako ame itye kede?

• Icako paro ni kono inyomere kede ŋat ocele?

• Icako kobbo kop bala “Awekki oko” nyo ni “Anwoŋŋo ŋat okene ame pwoa”?

Ka igamo apenynyoro i kin magi nyo akato ni Ee, nwoŋo man doŋ kare aber me jiŋŋo genne i kinwu.

NYAM KOP KARACEL KEDE CEGI NYO CWARI

• Rwom me genne i kinwa odok oko piny? Ka tye kittono, piŋo?

• Tyelo tyelo aŋo ame otwero kwanynyo me jiŋŋo genne i kinwa?

IMUŊ PI GI-ME ATIMA

• Kare mogo coyi cegi nyo cwari koppogo me mar

• Nyut genneni kun iketo cal a cegi nyo cwari i wi meja me ka ticci

• Goyi cegi nyo cwari cim ka itye i ka tic nyo pe itye wunu karacel

CIK A YIE LAC ME BAIBUL: “Gin ame Obaŋa onoto karacel, dano kur ket akinagi.”—Matayo 19:6.