Skip to content

Skip to table of contents

 MUTU 25

Ichifukwa cho Tukuzengela Inyumba Izya Bumwene Sona Namo Tukuzengela

Ichifukwa cho Tukuzengela Inyumba Izya Bumwene Sona Namo Tukuzengela

Bolivia

Nigeria, bo bachili napo bayiyannya

Tahiti

Izina ilyakuti Inyumba iya Bumbwene likulangizya ukuti malo gho tukumanyililapo izya Bumwene ubwa Chala. Iyi yoyo yikaba nkani inkulu iya bulumbilili ubwa Yesu.—Luka 8.1.

Malo ghakwiputilapo u Chala mubwanaloli. Inyumba izya Bumwene malo gho Abakaboni ba Yehova bakumanyililapo mo bangalumbilila mu chigaba chabo. (Matayi 24.14) Inyumba izya Bumwene zipambanite isayizi na kazengele, loli zyosi batakuziyembesya umwakupululizya. Mu Nyumba izya Bumwene izyinji mukukomana ivipanga ivya Bakaboni ba Yehova vibili pamo ukupululila. Mu myaka iyi twazenga Inyumba izya Bumwene amasawuzandi aminji. Pa avileji, isiku lililyosi tukuzenga inyumba izyakukwana 5. Tukubomba vinivi chifukwa abalumbilili bakongelela mu vipanga. Ka tukukwanisya buli-buli?—Matayi 19.26.

Zikuzengiwa ni vyabupi vyo tukutuma ku nyambi yitu. Ivyabupi ivi tukuvituma ku ofesi po vikwavwa nanti ichipanga chikulonda ukuzenga Inyumba iya Bumwene pamo ukuyiyannya.

Zikuzengiwa na bakwiyipa abakupambanapambana bo batakulipiliwa. Mu vyisu ivyinji muli Amagulu Aghakuzenga Inyumba izya Bumwene. Amagulu agha ghakuzenga Inyumba izya Bumwene mu vipanga ivyakupambanapambana mu chisu chabo. Bakuya kulikosi na mutwaya bulo ukwavwa ivipanga pakuzenga Inyumba izya Bumwene. Mu vyisu vimo, Abakaboni bo bayimenye imbombo, bakwenelezya imbombo iya kuzenga nu kuyannya Inyumba izya Bumwene mu chigaba cho bapeyiwa. Napo abantu bo bayimenye imbombo bakwiyipa ukuzenga, Abakaboni ba Yehova aba mu chigaba chila bobo bakuba binji ukwavwapo. Vyosi ivi vikubombiwa ichifukwa icha muzimu uwa Yehova nu kwiyipa ukwa bantu bache.—Salimo 127.1; Aba Kolosi 3.23.

  • Choni cho amalo gho tukwiputilapo ghakwitizyiwa Inyumba izya Bumwene?

  • Ka tukukwanisya buli-buli ukuzenga Inyumba izya Bumwene pa chisu chosi?