Skip to content

Skip to table of contents

 MUTU 20

Ka Akagulu Akakwenelezya Kakubomba Buli-buli Imbombo Akabalilo Kano?

Ka Akagulu Akakwenelezya Kakubomba Buli-buli Imbombo Akabalilo Kano?

Akagulu akakwenelezya akabwandilo

Bakubelenga ukalata uwakufuma ku kagulu akakwenelezya

Kale, kukaba akagulu akanandi aka ‘batumiwa na basongo mu Yelusalemu,’ ko kakabombagha ngati kagulu akakwenelezya. Akagulu aka koko kakapinyagha ifundo mumalo umwa Bakilisitu abakupakaziwa mu chipanga. (Imbombo 15.2) Nanti bativwisya ifundo yimo bakanenezannyanga nukukolelana chifukwa bakabombezyanga Amasimbo sona umuzimu uwa Chala ukabavwanga. (Imbombo 15.25) Vinivi vyovyo vikubombiwa na kabalilo kano.

Kakubomba ubwighane bwa Chala. Abakamu abakupakaziwa bo bali mu kagulu akakwenelezya, baghanite amazyu gha Chala, sona bakumanya akiza mo bangamulila amalalusyo aghakukwafannya ni Bayibolo ni nkani zimo. Abakamu aba bakukomana usabata aliwesi ukuti banenezannye mo bangavwizya abakamu pa chisu chosi. Ngati mo vikabela kale, tukupokela ubulongozi ubwa mu Bayibolo ukwendela mu bakalata, pamo abakwendela ivipanga na banji. Vinivi vikwavwa abantu aba Chala ukuti bakolelane mu nyinong’ono ni vyakubomba. (Imbombo 16.4, 5) Akagulu aka, kakwenelezya mo imbombo iyakupiyila ichakulya ichabuzimu yikwendela, bakulimbikisya imbombo iya bulumbilili, sona bakwenelezya pakusala abakamu mu mabudindo.

Bakwitikizya ukuti umuzimu uwa Chala ghubalongozye. Akagulu Akakwenelezya kakusubila u Yehova yo wapamwanya sona nu Yesu yo we songo uwa chipanga ukuti babavwe. (1 Aba Kolinti 11.3; Aba Efeso 5.23) Abantu aba mukagulu aka batakwiyennya ukuti balongozi pa bantu aba Chala. Akagulu aka, poka na bosi abakupakaziwa “bakumukonka umwana uwa ng’ozi yula kosi kuko akubuka.” (Ubuvumbuli 14.4) Abakamu aba mukagulu akakwenelezya aba bakupalizya nkani nanti tukubiputila.

  • Bo bawenu bo bakaba mukagulu akakwenelezya kale?

  • Ka aba mukagulu akakwenelezya bakubomba buli-buli ukuti u Chala abalongozye?