Skip to content

Skip to table of contents

 ICHIGABA 7

U Yesu We Wenu?

U Yesu We Wenu?

U Yehova akamutuma u Yesu pa chisu. 1 Yohani 4.9

Tungamuhobosya u Yehova pala tukwivwisya ku wantumi uwapamwanya. Uwantumi uyu akapeliwa bo u Adamu atapeliwe. Akaba wantumi uwamaka kumwanya.

Pakabalilo kamo u Yehova akamusamya ukuti ize apapiwe ku Betelehemu mwa mulindu, u Maliya, yo atakakumanapo lumo nu mwanavuli. U mwana uyu izina akaba we Yesu.​​—⁠Yohani 6.​38.

Po akaba muntu pa chisu, akalangizya inkalo yosi iya Chala. Akaba wachisa, walughano, sona akaba wakwangala na aliwesi. Akamanyisyanga abantu ukuti bamumanye akiza u Yehova sona atakoghopagha.

 U Yesu akabombagha ivyiza loli bakamubenga. 1 Pitala 2.​21-​24

U Yesu akapozyanga ababine nu kuzyusya bamo bo bakafwa.

Pa chifukwa chakuti u Yesu akasusyanga ivimanyisyo vyabo ivyabumyasi ni vyakubomba vyabo ivibibi, abasongo ba vipanga bakamubenga.

Abasongo ba vipanga bakabadeba Abaloma ukuti bamukome u Yesu nu kumughogha.