Skip to content

Skip to table of contents

 ICHIGABA 5

Bo Bakamwivwila u Chala na Bo Batakamwivwila

Bo Bakamwivwila u Chala na Bo Batakamwivwila

Abantu abinji mukabalilo ka Nowa bakabombagha ivibibi. Ubwandilo 6.5, New World Translation.

U Adamu nu Eva bakapapa abana, bo bakiza bababinji mu chisu. Pakabalilo kamo abantumi bamo bakakolelana nu Satana pakumusambukila u Chala.

Abantumi aba bakiza pa chisu chapasi nu kuvwala imibili iyabuntu ukuti basende abakolo. Abakolo bakapapa ivibana ivyakoghofya ni vyamaka.

Ichisu chikizula na bantu bo bakabomba ivibibi. Ibayibolo likunena ukuti “ububibi bwa bantu bukakula nkani pa chisu chapasi, sona akabalilo kosi bakinong’onagha ivibibi vyeka.”

 U Nowa akivwila u Chala nu kuzenga ichingalaba. Ubwandilo 6.​13, 14, 18, 19, 22

U Nowa akaba muntu umwiza. U Yehova akamubuzya u Nowa ukuti inti akomannye abantu ababibi na mizi.

U Chala akamubuzya u Nowa ukuti azenge ubwato ubukulu nkani, pamo ichingalaba, ingile ni mbumba yache sona ni vinyamana ivya luko losi.

U Nowa akabasoka abantu izya mizi loli batakivwila. Bakamusekagha, sona bamo bakamubenga.

Bo amalizya pakuzenga ichingalaba, akingizya ivinyamana.