Skip to content

Wenu yo Akulaghila Ichisu Ichapasi?

Wenu yo Akulaghila Ichisu Ichapasi?

Mukwinong’ona ukuti  . . .

  • we Chala?

  • bantu?

  • alipo yumo?

 VYO IBAYIBOLO LIKUNENA

“Abantu aba muchisu ichapasi ichi bali pasi pa maka agha Mubibi yula.”—1 Yohani 5.19.

‘U Mwana uwa Chala akiza ukuti anangannye imbombo izya Satana yula.’—1 Yohani 3.8.

LIKUTWAVWA BULI-BULI?

Likutwavwa ukumanya ichifukwa cho pa chisu pali intamyo.—Ubuvumbuli 12.12.

Likutwavwa ukusubila ukuti ichisu chapasi chikwiza ukuba akiza.—1 Yohani 2.17.

 TUNGASUBALILA NALOLI VYO IBAYIBOLO LIKUNENA?

Eee! Pa vifukwa vitatu:

  • Ubumwene bwa Satana bukwiza pakumala. U Yehova anyamukite ukumazya ubumwene bwa Satana. Alayizizye ‘ukumunangannya u Satana’ nu kuyannya vyosi vyo u Satana ananganizye.—Aba Hebeli 2.14.

  • U Chala amwimikite u Yesu ukuti alaghile ichisu chapasi. U Yesu apambanite nu mulaghili umubibi uwa kabalilo aka. U Chala alayizizye ukuti pala u Yesu anda ukulaghila, “akwiza ukuba ni chisa pa bantu abakusuliwa na bapotwe . . . Bo bakuyimba nu kukumana ni nkaza, u Chala akwiza ukubatula.”—Salimo 72.13, 14, New World Translation.

  • U Chala atangatamanta. Ibayibolo likunena ukuti: “U Chala atangatamanta.” (Aba Hebeli 6.18) Pala u Yehova alayizya ukubomba ichintu vikuyana bulo nukuti abomba kale. (Yesaya 55.10, 11) “Umulaghili uwa chisu chapasi ichi akwiza pakusumbiwa kuzi.”—Yohani 12.31.

 IVYA KWINONG’ONELAPO

Ichisu chikwiza ukuba buli-buli pala umulaghili wache bamufumyapo?

Ibayibolo likwamula ilalusyo ili pa SALIMO 37.10, 11 na pa UBUVUMBULI 21.3, 4.