Мазмунун көрсөтүү

Кошумча менюну көрсөтүү

Жахабанын Күбөлөрү

кыргыз

ЖАШТАРДЫН СУРООЛОРУ

Уйку каныш үчүн эмне кылыш керек?

Уйку каныш үчүн эмне кылыш керек?

Ыйык Китепте: «Жан үрөп иштегенге жана шамалды кууп жетүүгө умтулганга караганда, бир аз эс алган артык»,— делет (Насаатчы 4:6). Уйкуну кандырбасаң, организмиң жакшы иштебей калат.

  • «Жетиштүү уктабай калсам, баш-аягымды жыя албай, бир нерсеге көңүл топтой албай калам» (Рейчел, 19 жашта).

  • «Түштөн кийин экилер чамасында ушунчалык чарчагандыктан, бирөө менен сүйлөшүп жатып эле уктап кете жаздайм» (Кристина, 19 жашта).

Сенин да уйкуң канбай жүрөбү? Уйкусун кандырыш үчүн айрым жаштардын кандай иш-аракет кылганына көңүл бур.

Эртерээк жат. «Мен өтө кеч жатпаганга аракет кылам»,— дейт 18 жаштагы Кэтрин.

Көпкө сүйлөшпө. «Кээде досторум түн жарымда телефон чалып же SМS жазып калышат,— дейт 21 жаштагы Ричэрд,— бирок мен алар менен көпкө сүйлөшпөй, эртерээк жатканга үйрөндүм».

Туруктуу бол. «Акыркы күндөрү мен күн сайын бир убакта жатып, бир убакта турганга аракет кылып жатам»,— дейт 20дагы Женифер.

Ийгиликтин ачкычы. Күнүгө, бери дегенде, 8 саат уктаганга аракет кыл.

Жогоруда айтылгандардан көрүнүп тургандай, уйкуну кандырыш үчүн көп деле нерсенин кереги жок. Эгер ден соолугуңа жакшы кам көрсөң, келбетиң да жакшырат, шайдоот да жүрөсүң, көп иш да бүтүрө аласың.

Жашоодогу кээ бир нерселерден айырмаланып, ден соолугуңдун чың болушу өз колуңда. «Кыскасын айтканда,— дейт 19 жаштагы Эрин,— ден соолугуңдун кандай болору өзүңдөн көз каранды».