Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун көрсөтүү

Жахабанын Күбөлөрү

кыргыз

Эмне үчүн Кудайга Иса Машаяк аркылуу кайрылыш керек?

Эмне үчүн Кудайга Иса Машаяк аркылуу кайрылыш керек?

Ыйык Китепте эмне деп айтылат?

Ыйык Китепте Кудайга Иса Машаяк аркылуу кайрылышыбыз керектиги айтылат. Анткени бул — Кудайдын талабы. Иса Машаяк өзү да: «Мен жолмун, чындыкмын жана өмүрмүн. Атама мен аркылуу гана барууга болот. Менсиз эч ким бара албайт»,— деп айткан (Жакан 14:6). Ал өзүнүн шакирттерине: «Силерге чындыкты айтып коёюн, Атамдан менин атымдан эмне сурабагыла, ал берет»,— деп да айткан (Жакан 16:23).

Кудайга Иса Машаяк аркылуу кайрылышыбыз керектигинин дагы башка себептери

  • Биз Жахаба Кудайды да, Иса Машаякты да терең урматтайбыз (Филипиликтер 2:9—11).

  • Иса Машаяктын бизди куткарыш үчүн өз өмүрүн бергенин жогору баалайбыз (Матай 20:28; Элчилер 4:12).

  • Кудай менен адамдардын ортосунда жалгыз гана арачы Иса Машаяк экенине ишенебиз (Еврейлер 7:25).

  • Иса Машаяктын Башкы дин кызматчы катары аткарган кызматын жогору баалайбыз. Анткени ошол аркылуу Кудайдын ырайымына ээ болуп жатканыбызды түшүнөбүз (Еврейлер 4:14—16).