Мазмунун көрсөтүү

Кошумча менюну көрсөтүү

Жахабанын Күбөлөрү

кыргыз

Эмне үчүн Иса Кудайдын Уулу деп айтылат?

Эмне үчүн Иса Кудайдын Уулу деп айтылат?

Ыйык Китепте эмне деп айтылат?

Кудайдын аялга үйлөнүп балалуу болушу акылга сыйбас нерсе. Анткен менен бардык тирүү жанды Кудай жараткандыктан, аны бүт баарынын атасы деп айтууга болот (Аян 4:11). Ошондуктан Ыйык Китепте Кудай жараткан эң биринчи адам тууралуу, Адам ата тууралуу, «Кудайдын уулу» деп айтылат (Лука 3:38). Ыйык Китепте Иса Машаяк жөнүндө да «Кудайдын Уулу» деп дал ушундай мааниде айтылат (Жакан 1:49).

Бирок Иса Адам атага чейин эле жаратылган. Элчи Пабыл Иса пайгамбар жөнүндө: «Ал — көрүнбөс Кудайдын бейнеси, бардык жаратылгандардын туңгучу»,— деп жазган (Колосалыктар 1:15). Чынында, Иса пайгамбардын жашоосу, ал Бетлехемде төрөлгөнгө чейин бир топ убакыт мурун эле, башталган. Анткени Ыйык Китепте анын «эзелки заманда, байыркы күндөрдө жаралганы» айтылган (Микей 5:2). Кудайдын тун Уулу болгондуктан адам болуп жерге келгенге чейин Иса рух болчу. Ал асманда жашачу. Ал өзү жөнүндө: «Мен асмандан... келгем»,— деп айткан (Жакан 6:38; 8:23).