Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун көрсөтүү

Жахабанын Күбөлөрү

кыргыз

Франциядагы Ыйык Китеп көргөзмөсү

Франциядагы Ыйык Китеп көргөзмөсү

2014-жылы Франциянын түндүгүндөгү Руан шаарында эл аралык жарманке болуп өттү. Ал жердеги «Ыйык Китеп: кечээ, бүгүн, эртең» деген аталыштагы көргөзмө миңдегендердин көңүлүн өзүнө тартты.

Көргөзмө болуп жаткан жердин кире беришиндеги чоң экрандан көрсөтүлгөн Ыйык Китептин байыркы кол жазмалары жөнүндөгү видео көптөрдү кызыктырды. Ал эми ичкери киргендер Ыйык Китептеги кеңештердин канчалык пайдалуу экенин, анын тарыхый жана илимий жактан так экенин, ошондой эле канчалык кеңири тараганын биле алышты.

Андан тышкары, Ыйык Китептин биздин күндөргө чейин кантип сакталып келгени, учурда аны миллиарддаган адамдардын кагаз түрүндө да, электрондук түрүндө да окуй алары тууралуу маалымат берилди. Көргөзмөгө келгендер Жахабанын Күбөлөрү тарабынан чыгарылган жана 120 тилге которулган Ыйык Китептин «Жаңы дүйнө котормосун» бекер ала алышты.

Көптөр Жахабанын Күбөлөрүнө Ыйык Китепти көпчүлүк окуй алышы үчүн талыкпай эмгектенип жатканына ыраазычылык билдиришти. Жаштарга көмөк көрсөтүп иштеген бир адис ээрчитип келген өспүрүм балдар менен адабияттар тизилген үстөлдү карап жатып: «Ыйык Китеп биздин жалпы мурастарыбыздын бири болуп саналат. Ал — тирүү китеп. Андан жүрөгүмдү өйүгөн суроолорумдун баарына дайыма жооп табам»,— деп айткан.

Ал эми небереси менен келген 60 жаштагы бир апа Ыйык Китепти бекер алса болорун билгенде аябай таң калган. Ал: «Баарыбыз тең муну кайрадан окуп чыгышыбыз керек, анткени бул бизге аябай керек»,— деген.

КӨБҮРӨӨК БИЛИШ ҮЧҮН

Ыйык Китептин «Жаңы дүйнө котормосу» так котормобу?

Ыйык Китептин «Жаңы дүйнө котормосу» башка котормолордон эмнеси менен айырмаланат?