Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

2 Тиметей 1:1—18

1  Машаяк Иса аркылуу берилүүчү+ өмүр жөнүндөгү убадага ылайык+, Кудайдын эрки менен+ Машаяк Исанын элчиси болгон Пабылдан  сүйүктүү уулум Тиметейге+: Кудай Атабыздын жана Мырзабыз Машаяк Исанын ырайымы, кайрымдуулугу, тынчтыгы сени менен болсун+.  Ата-бабаларыма окшоп+, мен таза абийир менен+ ыйык кызмат кылып жаткан Кудайыма+ ыраазымын. Кудайга күнү-түнү жалынган сайын+ сен жөнүндө да тиленем.  Көз жашыңды эстегенде сени көрүүгө зар болом+. Көрсөм, кубанып калар элем.  Эки жүздүүлүгү жок+ ишенимиңди эстейм+. Андай ишеним адегенде таенең Лоис менен апаң Эйникеде бар эле, сенде да бар экенине шектенбейм.  Ошондуктан үстүңө колумду койгонумда*+ Кудайдан алган белегиңди+ оттой+ жалындатып турушуң керектигин эсиңе салам.  Анткени Кудай бизге коркоктуктун эмес+, күчтүн+, сүйүүнүн жана акыл-эстүүлүктүн рухун берген+.  Андыктан Мырзабыз тууралуу күбөлөндүрүүдөн да, ал үчүн түрмөдө отурганымдан+ да уялба+. Тескерисинче, Кудайдын күчүнө таянып+, жакшы кабар үчүн башыңа түшкөн кыйынчылыктарды көтөр+.  Ал бизди куткарып+, ыйык болууга чакырды+, иштерибиздин негизинде эмес+, өзүнүн эркине ылайык жана бизге кылымдар мурун+ Машаяк Иса аркылуу көрсөтүлгөн ырайымынын негизинде чакырды. 10  Азыр ал ырайым Куткаруучубуз Машаяк Исанын ачык көрүнүшү+ аркылуу айкын болду. Ал өлүмдү жоюп+, өмүр+ менен чирибестикке+ кантип жетсе болорун жакшы кабар аркылуу+ ачып берди+. 11  Мен ал кабардын кабарчысы, элчиси жана окутуучусу болуп дайындалгам+. 12  Ошол себептен ушундай азаптарды тартып жатам+, бирок мындан уялбайм+. Анткени кимге ишенгенимди билем жана ага ишенип тапшырганымдын баарын ал сот күнүнө чейин+ сактай алат+ деп толук ишенем. 13  Машаяк Иса менен биримдикте болгондуктан+ ишенимге, сүйүүгө ээ болуп, менден уккан туура сөздөрдүн+ үлгүсүнө мындан ары да карман. 14  Өзүңө тапшырылган кенчти+ өзүбүздөгү ыйык рухтун жардамы менен сакта+. 15  Азиядагылардын*+ баары мени таштап кетишкенин билесиң+. Алардын арасында Пигел менен Эрмоген да бар. 16  Теңир Онисипордун үйүндөгүлөрүнө+ кайрымдуулук кылсын, анткени ал мени көп жолу сергитти+, чынжырланып отурганымдан+ уялган жок. 17  Тескерисинче, Римге келгенинде мени издеп тапты+. 18  Сот күнүндө+ Жахаба Теңир ага кайрымдуулук кылсын+. Анын Эфесте жүргөндө канча жардам бергенин сен жакшы билесиң.

Шилтемелер

Кара: 1Тм 5:22.
Элч 2:9дун шилт-н кара.