Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

2 Падышалар 18:1—37

18  Ысрайыл падышасы Эланын уулу Ошуянын+ башкаруусунун үчүнчү жылында Жүйүт падышасы Ахаздын+ уулу Хиския+ падыша болду.  Ал жыйырма беш жашында такка отуруп, Иерусалимде жыйырма тогуз жыл падышалык кылды. Анын энесинин аты Аби эле, ал Закарыянын кызы болчу+.  Хиския, чоң аталарынан болгон Дөөтүгө окшоп+, Жахабанын көз алдында туура иштерди кылды+.  Ал бийик жерлерди бузуп+, ыйык мамыларды кыйратты+, ошондой эле ыйык устунду кыйып+, Муса жасаган+ жез жыланды+ талкалады. Ысрайыл уулдары ошол күнгө чейин ага арнап курмандык+ түтүнүн түтөтүшчү. Алар аны Нехуштан* деп аташчу+.  Хиския Ысрайылдын Кудайы Жахабага таянды+. Жүйүт падышаларынын арасында+ ага чейин да, андан кийин да андай падыша болгон эмес+.  Ал Жахабага берилгендигин сактап+, андан четтебей, Жахабанын Муса аркылуу берген осуяттарын аткарды+.  Жахаба Хиския менен болгондуктан+, Хиския эмне иш кылбасын, дайыма акылдуулук менен иш кылды+. Ал Ашур падышасына каршы чыгып, ага кызмат кылбай калды+.  Ал пелиштиликтердин+ Аза+ менен анын тегерегиндеги аймактарга чейинки бүт шаарларын, күзөт мунарасынан+ тартып чептүү шаарына чейин талкалады.  Хискиянын башкаруусунун төртүнчү жылында, Ысрайыл падышасы Эланын уулу Ошуянын+ башкаруусунун жетинчи жылында Ашур падышасы Шалманесер+ Самария менен согушканы келип, аны курчап алды+. 10  Ал аны үч жылдан кийин, Хискиянын башкаруусунун алтынчы жылында, Ысрайыл падышасы Ошуянын башкаруусунун тогузунчу жылында басып алды+. 11  Ашур падышасы+ ысрайылдыктарды Ашурга туткундап кетип+, аларды Гозан дарыясынын боюндагы Халах+ менен Хаборго+ жана мадайлыктардын шаарларына жашатып койду+. 12  Алар өздөрүнүн Жахаба Кудайынын тилин албай+, аны менен түзүлгөн келишимди бузганы үчүн+, Жахабанын кызматчысы Муса+ буйругандардын баарын аткарбаганы үчүн+, ушундай болду. Алар анын тилин алышкан жок, анын буйруктарын аткарышкан жок. 13  Хискиянын башкаруусунун он төртүнчү жылында Ашур падышасы+ Сенхейрип+ Жүйүт жериндеги чептүү шаарларга кол салып, аларды басып ала баштады. 14  Ошондо Жүйүт падышасы Хиския Лакишке киши жөнөтүп, Ашур падышасына: «Мен күнөө кылдым. Сураганыңдын баарын берейин, артка чегин»,— деп айттырып жиберди+. Ашур падышасы Жүйүт падышасы Хискияга 300 талант күмүш+, 30 талант алтын салык салды. 15  Хиския ага Жахабанын үйүндөгү+ жана падышанын үйүндөгү казынадагы күмүштүн баарын берди+. 16  Жүйүт падышасы Хиския Жахабанын ибадатканасынын өзү алтын менен каптаткан эшиктери+ менен кашектерин чыгарып+, алтынын Ашур падышасына берди. 17  Ашур падышасы+ тартанды*+, рапсаристи* жана рапшакты*+ көп аскери менен кошо Лакиштен+ Иерусалимге, Хиския падышага жөнөттү. Алар Иерусалимдин жанындагы, кир жуугандардын талаасына+ кеткен чоң жолдун боюндагы жогорку көлмөдөн+ башталган куурдун*+ жанына келип токтошту. 18  Анан падышаны чакырышты. Бирок анын ордуна падыша үйүнүн башчысы Хилкия уулу Элиаким+, катчы Шебна+ жана жылнаамачы Асап уулу Жоах чыкты. 19  Рапшак+ аларга мындай деди: «Хискияга айткыла: „Улуу падыша+, Ашурдун падышасы, мындай дейт: “Сен деги эмнеге таянып жатасың?”+ 20  Сен: “Согушуу үчүн менде акыл да+, күч да бар”,— деп жатасың, бирок аның — болбогон сөз. Мага каршы чыккыдай+, кимге таянып жатасың? 21  Сен тигил сынык камышка+, Мисирге+, таянып жатасыңбы? Ким ага таянса, ал анын алаканына кирип, тешип кетет. Фараон+, Мисир падышасы, ага таянгандардын баарына ушинтет. 22  Силер мага: “Биз Кудайыбыз Жахабага+ таянабыз”+,— дейттирсиңер. Бирок Хиския+ Жүйүт жери менен Иерусалимге: “Иерусалимдеги ушул курмандык жайынын алдында таазим кылгыла”+ — деп, Кудайыңардын бийик жерлери+ менен курмандык жайларын талкалап таштабады беле?” 23  Ошондуктан менин мырзам менен, Ашур падышасы менен, мелдешип көр+: мен сага 2 000 ат берейин, мингенге чабандес таба алар бекенсиң, көрөлү+. 24  Мисирдин майдан арабалары+ менен атчандарына+ таянсаң, анда мырзамдын+ эң төмөн турган кулдарынын бир башкаруучусуна кантип туруштук бере аласың? 25  Мени бул жерди кыйратканы Жахабанын эркисиз келди дейсиңби? „Ошол жерге барып, аны кыйрат“,— деп мага Жахаба өзү айткан»+. 26  Ошондо Хилкия уулу Элиаким+, Шебна+, Жоахтар+ рапшакка+: «Суранабыз, дубалдын үстүндөгү элге угуза жүйүттөрдүн тилинде+ сүйлөбө, кулдарыңа сирия тилинде+ эле сүйлө, биз түшүнөбүз»,— дешти. 27  Бирок рапшак аларга: «Мырзам мени бул сөздөрдү мырзаңар менен силерге эле айтыш үчүн жиберди дейсиңерби? Жок, ал мени дубалдын үстүндө отурган кишилерге да жиберди. Алар силер менен кошо өз заңын жеп+, өз заарасын ичет»,— деди+. 28  Анан рапшак жүйүттөрдүн тилинде мындай деп катуу кыйкырды+: «Улуу падышанын, Ашур падышасынын+, сөзүн уккула. 29  Падыша мындай дейт: „Хискияга алданбагыла, анткени ал силерди менин колумдан куткара албайт+. 30  “Бизди Жахаба куткарат+. Бул шаар Ашур падышасынын колуна салынып берилбейт”+,— деп силерди Жахабага таянууга+ үндөгөн Хискияга ишенбегиле. 31  Аны укпагыла, анткени Ашур падышасы мындай дейт: “Багынып, мен тарапка өткүлө. Ар бириңер өз жүзүм сабагыңардын, өз анжир дарагыңардын жемишин жегиле+, өз кудугуңардан суу ичкиле+. 32  Анан мен келем да, силерди өзүңөрдүкүндөй жерге+, дан менен жаңы шарап, нан+ менен жүзүмзарлар+, бал+ менен зайтун дарактары бар жерге алып кетем. Ошентип, аман каласыңар, өлбөйсүңөр. Хискияны укпагыла, ал силерди: “Бизди Жахаба куткарат”+,— деп азгырбасын. 33  Башка элдердин кудайлары өз жерлерин Ашур падышасынын+ колунан сактап кала алдыбы?+ 34  Хамат+ менен Арпаттын+ кудайлары кайда? Сепарбайымдын+, Хена+ менен Ибанын+ кудайлары кайда? Алар менин колумдан Самарияны сактап кала алдыбы?+ 35  Ошол жерлердин кудайларынын арасынан кайсынысы өз жерин менин колумдан сактап калды?+ Анан кантип Жахаба Иерусалимди менин колумдан сактап калсын?”“»+. 36  Эл унчуккан жок+, эч кандай жооп кайтарган жок+, анткени падыша: «Ага жооп бербегиле»+,— деп буйрук кылган эле. 37  Падыша үйүнүн башчысы Хилкия уулу Элиаким+, катчы Шебна+, жылнаамачы Асап уулу Жоах+ Хискияга айрылган кийимдери+ менен келип, рапшактын сөздөрүн айтып беришти.

Шилтемелер

Же: «жез жылан бурканы».
Же: «кол башчыны».
Же: «башкы ак сарай кызматчысын».
Же: «башкы шарап сунуучуну».
Куур — суу өткөрүлүүчү курулма.