Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

2 Корунттуктар 12:1—21

12  Мага мактанууга туура келип жатат. Мунун пайдасы жок болсо да, Мырзабыздын табияттан тыш көрүнүштөрү+ жана аяндары жөнүндө сөз кылууга өтөйүн.  Машаяктын шакирти болгон жана он төрт жыл мурун үчүнчү асманга көтөрүлгөн+ бир кишини билем. Ал денеси менен көтөрүлгөнбү же денесизби, билбейм, аны Кудай билет.  Ооба, ошондой кишини билем, бирок денеси менен көтөрүлгөнбү же денесизби+, билбейм, аны Кудай билет.  Ал бейишке көтөрүлгөн+ жана сөз менен айтып жеткиргис, бир да адам айтпашы керек болгон сөздөрдү уккан.  Ушундай киши менен мактанам, ал эми өзүм менен мактанбайм. Мактансам, алсыз жактарым менен гана мактанам+.  Эгер мактангым келсе да+, акылсыз болбойм, анткени чындыкты айтам. Бирок, кимдир бирөө иштеримди көрүп же сөздөрүмдү угуп, мен жөнүндө жогору ойлоп калбашы үчүн, мактануудан алысмын.  Ушундай укмуш аяндарды алганым үчүн эле кимдир бирөө мен жөнүндө жогору ойдо болбошу керек+. Ошондуктан, менменсинип кетпешим үчүн, денеме тикен+, менменсинип кетпешим үчүн, мени чаап турууга Шайтандын периштеси берилген.  Андан арылыш үчүн Теңирге үч жолу жалындым+.  Бирок ал: «Сага кылган ырайымым жетишет+, анткени менин күчүм алсыздык аркылуу жеткилең болот»,— деди+. Андыктан, Машаяктын күчү чатыр сыяктуу үстүмдө болушу үчүн, алсыздыктарым менен мактануудан кубаныч табам+. 10  Ошондуктан Машаяк үчүн алсыз болуудан, кордук көрүүдөн, муктаж болуудан, куугунтукталуудан жана кыйынчылык тартуудан ырахат алам. Анткени алсыз болгонумда күчтүүмүн+. 11  Мен акылсыз кишидей болуп калдым. Мындай абалга мени силер жеткирдиңер+, себеби мага силер кепилдеме беришиңер керек эле. Анткени силердин көз алдыңарда эч ким эмес болсом да+, «мыкты» элчилериңерден эч нерсем кем эмес+. 12  Элчилик кызматымдын далилдерин+ өзүңөр деле зор туруктуулугумдан+, керемет-жышаандарымдан, ажайып иштеримден көрбөдүңөр беле+. 13  Башка жыйналыштарга салыштырганда, эмнеден кем болдуңар? Силерге жүк болбогонумду эсепке албаганда, эч нерседен кем болгон жоксуңар+. Ал катамды айкөлдүк менен кечире көргүлө. 14  Мына, силерге үчүнчү ирет барууга даярмын+, бирок бул жолу да жүк болбойм. Мага мүлкүңөр эмес+, өзүңөр керексиңер. Себеби балдар+ ата-энеси үчүн эмес, ата-эне балдары үчүн мүлк топтошу керек+. 15  Силердин жаныңар үчүн өзүмдө болгондун баарын жан-дилим менен сарптайм, өзүмдү да аябайм+. Эгер мен силерди барган сайын көбүрөөк сүйүп жатсам, силер мени азыраак сүйүшүңөр керекпи? 16  Кандай болбосун, мен силерге жүк болгон эмесмин+. Ошентсе да силер өзүңөрдү айла-амал менен тузакка түшүргөнүмдөй мени куу дейсиңер+. 17  Же жиберген кишилеримдин кимдир бирөөсү аркылуу силерди өз кызыкчылыгыма колдондум беле? 18  Мен Титтен силерге барышын өтүнүп, ага кошуп дагы бир бир тууганды жибергем. Тит силерди өз кызыкчылыгына колдонду беле?+ Биз бир ойдо болгон эмес белек?+ Бир жолдо жүргөн эмес белек? 19  Ушу убакка чейин бизди силердин алдыңарда коргонуп жатат деп ойлоп жүрдүңөрбү? Биз Кудайдын алдында Машаяктын жолдоочулары катары айтып жатабыз. Бирок, сүйүктүү бир туугандарым, мунун баарын силерди бекемдеш үчүн кылып жатабыз+. 20  Барганымда+, силер мен каалабагандай абалда болбосоңор экен деп, өзүм да силер каалабагандай абалда болбосом экен деп корком. Араңарда чыр-чатак, көрө албастык+, ачууга алдыруу, араздашуу, жалаа жабуу, ушак айтуу, менменсинүү, баш аламандык+ болбосо экен деп чочулайм. 21  Кайра барганымда, мурун күнөөгө баткан, бирок кылып жүргөн ыпылас иштерин, бузуктугун+, уятсыз* жүрүм-турумун+ мойнуна алып өкүнбөгөн көптөр үчүн кайгыга батпасам экен деп+, силердин алдыңарда Кудайым мени уятка калтырбаса экен деп корком.

Шилтемелер

Же: «бузуку».