Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

2 Жылнаама 36:1—23

36  Андан соң эл Иерусалимде Жошиянын уулу Жахазды+ атасынын ордуна падыша кылды+.  Жахаз жыйырма үч жашында такка отуруп, Иерусалимде үч ай падышалык кылды+.  Мисир падышасы аны Иерусалимдеги бийлигинен ажыратып+, анын жерине жүз талант күмүш, бир талант алтын салык салды+.  Андан сырткары, Мисир падышасы+ Нехо+ Жахаздын бир тууганы Элиакимди+ Жүйүт менен Иерусалимге падыша кылып, атын Жаяким деп өзгөрттү. Жахазды болсо Мисирге алып кетти+.  Жаяким+ жыйырма беш жашында такка отуруп, Иерусалимде он бир жыл падышалык кылды+. Ал Жахаба Кудайынын көз алдында жаман иштерди кылды+.  Бабыл падышасы Небухаданасар+ аны менен согушуп+, аны эки жез кишен менен кишендеп, Бабылга алып кетти+.  Ошондой эле Небухаданасар+ Жахабанын үйүндөгү буюмдардын+ айрымдарын Бабылга алып барып, өзүнүн ак сарайына коюп койду+.  Жаякимдин калган иштери+, анын кандай жийиркеничтүү иштерди+ кылганы жана ага байланышкан жаман нерселердин баары Ысрайыл падышалары менен Жүйүт падышаларынын китебинде жазылган+. Анын ордуна уулу Жаякин падыша болду+.  Жаякин+ он сегиз жашында такка отуруп, Иерусалимде үч ай+ он күн падышалык кылды. Ал Жахабанын алдында жаман иштерди кылды+. 10  Жылдын башында+ Небухаданасар падыша ага кишилерин жиберди+. Алар аны жана Жахабанын үйүндөгү баалуу буюмдарды+ Бабылга алып кетишти+. Ал Жаякиндин ордуна анын атасынын иниси Ситкияны+ Жүйүт менен Иерусалимге падыша кылды+. 11  Ситкия+ жыйырма бир жашында такка отуруп, Иерусалимде он бир жыл падышалык кылды+. 12  Ал Жахаба Кудайынын көз алдында жаман иштерди кылды+, Жахабанын буйругу боюнча келген Жеремия+ пайгамбардын+ алдында моюн сунган жок+. 13  Андан сырткары, Ситкия Небухаданасарга, ага Кудайдын алдында ант бердирткен+ падышага, каршы чыкты+. Ал тоң моюндук кылып+, жүрөгүн катууланткандыктан+ Ысрайылдын Кудайы Жахабага кайрылган жок. 14  Дин кызматчылардын башчылары+ менен эл да башка элдер кылган жийиркеничтүү иштерди кылып+, чоң ишенимсиздик көрсөтүп, Жахабанын Иерусалимдеги өзү ыйыктаган үйүн арамдашты+. 15  Алардын ата-бабаларынын Кудайы Жахаба өзүнүн элин, өзүнүн турагын+ аягандыктан+ аларга эскертиш үчүн кайра-кайра кабарчыларын жөнөттү+. 16  Бирок алар чыныгы Кудайдын кабарчыларын мазактап+, анын сөзүн баркка албай+, пайгамбарларын шылдыңдашты+. Ошондо Жахаба элине каарданды+, алар айыккыс болуп калышты+. 17  Кудай аларга каздимдиктердин+ падышасын жиберди. Ал алардын ыйык жайында+ уландарын кылычтап өлтүрдү+, алардын уландарын да, кыздарын да, карыларын да, алдан-күчтөн тайгандарын да аяган жок+. Кудай бардыгын анын колуна салып берди. 18  Ал чыныгы Кудайдын үйүндөгү буюмдардын+ чоң-кичинесинин баарын+, Жахабанын үйүндөгү казынанын+, падыша менен анын төрөлөрүнүн казынасынын+ бүт баарын Бабылга алып кетти. 19  Ошондой эле чыныгы Кудайдын үйүн өрттөп+, Иерусалимдин дубалын талкалады+. Ал жердеги мунаралуу чептер менен баалуу нерселердин+ баары өрттөлдү, бардыгы талкаланды+. 20  Кылычтан аман калгандарын болсо Бабылга туткундап кетти+. Алар ага жана анын уулдарына Персия+ бийлик кыла баштаганга чейин кул болушту+. 21  Ошентип, Жахабанын Жеремия аркылуу айткан сөзү аткарылып+, жер эс албай калган ишембилери үчүн эс алды+. Жетимиш жыл өткүчө+, жер ээн калган бардык күндөрүндө ишембини сактап, эс алды. 22  Персия падышасы+ Корештин*+ башкаруусунун биринчи жылында, Жахабанын Жеремия аркылуу айткан+ сөздөрү+ аткарылышы үчүн, Жахаба Персия падышасы Корешке түрткү бергендиктен+, ал бүт падышалыгы боюнча оозеки жана кат жүзүндө мындай деп жарыялоону буйрук кылды+: 23  «Персия падышасы Кореш мындай дейт+: „Асман Кудайы Жахаба мага жер жүзүндөгү бүт падышалыктарды берип+, Жүйүт жериндеги Иерусалимде ага арнап үй курууну буйрук кылды+. Араңардан ким ага кызмат кылган элден болсо+, Жахаба Кудайы аны менен болсун+. Ал киши Иерусалимге барсын“»+.

Шилтемелер

Кир II (Улуу Кир).