Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

2 Жылнаама 13:1—22

13  Абия Жеробам падышанын башкаруусунун он сегизинчи жылында Жүйүткө бийлик кыла баштады+.  Ал Иерусалимде үч жыл падышалык кылды. Анын энесинин аты Микая* болчу+. Ал гибалык+ Уриелдин кызы эле. Абия менен Жеробамдын ортосунда согуш болуп турду+.  Абия согушка 400000 күчтүү, тандамал жоокерден+ турган аскери менен барды. Жеробам болсо 800000 күчтүү+, эр жүрөк, тандамал жоокерин ага каршы тизди.  Абия Эпрайымдын тоолуу аймагындагы+ Семарайым тоосунда туруп мындай деди: «Сөзүмө кулак салгыла, Жеробам жана бүт Ысрайыл!  Туз келишими боюнча+, Ысрайылдын Кудайы Жахабанын Ысрайылдагы падышалык бийликти түбөлүккө+ Дөөтүгө жана анын уулдарына+ бергенин+ билбейсиңерби?  Бирок Дөөтүнүн уулу Сулаймандын кулу+, Небаттын уулу Жеробам+, козголоң чыгарып+, өзүнүн мырзасына каршы чыккан+.  Анын тегерегине бекерпоз+, жүзү кара кишилер+ чогулуп, акыры, алар Сулаймандын уулу Рехабамдан+ күчтүүлүк кылып кетишкен. Анткени Рехабам жаш, коркок болгондуктан+ аларга туруштук бере албай калган.  Силер көп болгондуктан+ жана Жеробам кудай кылып жасап берген алтын музоолоруңар+ бар болгондуктан, Жахабанын Дөөтүнүн уулдарына берген падышалыгына+ каршы чыга алабыз деп ойлоп жатасыңар.  Силер Жахабанын дин кызматчылары болуп кызмат кылган Арундун уулдары менен лебилерди кууп жиберип+, башка элдерди туурап, өзүңөргө дин кызматчыларды дайындап албадыңар беле?+ Ошол убакта букачар менен жети кочкорду курмандыкка чалып бийликке ээ болгондордун* баары кудай эместерге, буркандарга, дин кызматчы болушкан+. 10  Биздин Кудайыбыз болсо Жахаба+, биз аны таштаган жокпуз. Арундун уулдары, дин кызматчылар, Жахабага кызмат кылып жатышат, лебилер да кызмат кылып, аларга жардам берип жатышат+. 11  Алар күн сайын эртең менен, кечинде Жахабанын алдында бүтүндөй өрттөлүүчү курмандыктарды чалып+, жыпарзат түтөтүшөт+. Ошондой эле таза алтындан жасалган үстөлгө нан коюп+, күн сайын кечинде алтын чыракпаядагы+ чырактарды күйгүзүшөт+. Биз Жахаба Кудайыбыздын алдындагы милдеттерибизди аткарып жатабыз+, силер болсо аны таштап койдуңар+. 12  Бизди чыныгы Кудай өзү баштап баратат+. Ал бизди силерге каршы согушту башташ үчүн белги бере турган сурнайларын+ көтөргөн дин кызматчылары+ менен баштап баратат. Ысрайыл уулдары, ата-бабаларыңардын Кудайы Жахабага каршы чыкпагыла+, баары бир жеңишке жетпейсиңер»+. 13  Жеробам болсо жүйүттөрдүн арт жагына буктурма коюш үчүн жоокерлерин жөнөттү. Ошентип, алардын арт жагына буктурма коюлду+, ал эми алды жагында Жеробамдын аскеринин негизги бөлүгү турду. 14  Жүйүттөр артын карап, арт жактагылар менен да, алды жактагылар менен да согушууга туура келерин түшүнүштү+. Ошондо алар Жахабага жалына башташты+, дин кызматчылар болсо сурнайларын катуу тартып киришти. 15  Жүйүттөр ураан чакырып кыйкырганда+, чыныгы Кудай Абия+ менен жүйүттөрдүн алдында Жеробам менен бүт Ысрайылды талкалап таштады+. 16  Ысрайыл уулдары жүйүттөрдөн качып жөнөштү. Кудай аларды жүйүттөрдүн колуна салып берди+. 17  Абия менен анын жоокерлери Ысрайыл уулдарын чоң жоготууга учуратышты: алардын 500000 тандамал жоокерин өлтүрүштү. 18  Ошондо Ысрайыл уулдары аларга моюн сунуп калышты. Жүйүт уулдары болсо ата-бабаларынын Кудайы Жахабага таянышкандыктан+ күчтүүлүк кылышты. 19  Абия Жеробамдын артынан кууп, анын шаарларын: Бейтелди+, Жешанды, Эпраинди жана аларга караштуу шаарларды+ басып алды. 20  Абиянын күндөрүндө Жеробам ошол бойдон бутуна тура алган жок+. Жахаба аны жазалагандыктан+, ал өлдү. 21  Абия болсо күчтөнө берди+. Анын он төрт аялы бар болчу+. Ал жыйырма эки уулдуу+, он алты кыздуу болду. 22  Абиянын калган иштери, эмнелерди кылып, эмнелерди айтканы Идо пайгамбардын түшүндүрмөлөрүндө жазылган+.

Шилтемелер

2Жл 11:20—22, 1Пд 15:2-аяттарда «Мааха».
1Пд 13:33түн шилт-н кара.