Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

1 Шемуел 31:1—13

31  Пелиштиликтер ысрайылдыктар менен согушуп+, ысрайылдыктар алардан качып жөнөштү. Пелиштиликтер болсо аларды Гилбоя тоосунда+ кырып жатышты+.  Алар Шабул менен анын уулдарынын артынан сая түшүп, анын уулдарын: Жонатанды+, Абынадапты+, Малкишуаны+ өлтүрүштү.  Анан Шабулга катуу сокку ура башташты. Жаа аткычтар аны катуу жарадар кылышты+.  Шабул куралын көтөргөн жигитине: «Кылычыңды сууруп, мени сайып сал+. Болбосо бул сүннөткө отургузулбагандар+ келип, мени сайып, маскара кылышат»,— деди. Бирок ал коркуп, болбой койду+. Ошондо Шабул кылычына сайынып өлдү+.  Анын өлгөнүн көрүп+, курал көтөргөн жигити да кылычына сайынып, аны менен кошо өлдү+.  Ошентип, Шабул менен анын үч уулу, курал көтөргөн жигити жана жоокерлеринин баары ошол күнү каза табышты+.  Өрөөндө жана Иордандын аймагында жашаган ысрайылдыктар ысрайылдык жоокерлердин душмандардан качканын, Шабул менен анын уулдарынын өлгөнүн көрүп, шаарларын таштап, качып жөнөштү+. Пелиштиликтер келип, ал шаарларды ээлеп алышты+.  Кийинки күнү пелиштиликтер өлгөндөрдүн буюмдарын тоногону келип+, Гилбоя тоосунан+ Шабул менен анын үч уулунун өлүгүн табышты.  Алар Шабулдун башын кесип+, курал-жарагын чечип алышты да, бул тууралуу өздөрүнүн буркандарынын үйлөрүндө+ жана элге жарыялаш үчүн бүт Пелишти жерине кабар жиберишти+. 10  Анан анын куралын+ Астартанын+ үйүнө коюп коюшту, ал эми денесин Бет-Шандын+ дубалына кадап салышты. 11  Жабеш-Гилаттын тургундары+ пелиштиликтердин Шабулду эмне кылганын угушканда, 12  алардын арасындагы эр жүрөк кишилердин баары Бет-Шанды көздөй жөнөп, түнү менен жол жүрүштү. Алар Шабул менен анын уулдарынын өлүгүн дубалдан түшүрүп, Жабешке алып келишти+. Анан аларды өрттөп, 13  сөөктөрүн+ Жабештеги балгын дарагынын+ түбүнө көөмп+, жети күн орозо тутушту+.

Шилтемелер