Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

1 Шемуел 25:1—44

25  Арадан убакыт өтүп, Шемуел+ көз жумду. Бүт ысрайыл эли чогулуп, аны жоктоп ыйлады+. Алар анын сөөгүн Рамадагы+ үйүнүн жанына коюшту. Андан соң Дөөтү Паран чөлүнө+ жөнөдү.  Ошол убакта Маондо+ бир киши жашачу, анын Кармелде+ малы бар эле. Ал абдан бай болчу: анын 3000 кою, 1000 эчкиси бар эле. Ал Кармелде койлорун кыркып жаткан+.  Анын аты Набал+, ал эми аялыныкы Абигейил+ эле. Абигейил келбети келишимдүү, абдан акылдуу аял болчу+. Күйөөсү болсо орой, каардуу киши болчу+. Ал Калептин+ тукумдарынан эле.  Дөөтү чөлдө жүрүп Набалдын койлорун кыркып жатканын+ укту.  Ошондо ал он кишисин мындай деп жөнөттү: «Кармелге барып, Набалга жолугуп, менин атымдан ал-жайын сурагыла+.  Анан бир тууганыма мындай дегиле: „Сага, үйүңдөгүлөргө жана эмнең болсо, ошонун баарына тынчтык болсун+.  Сени койлоруңду кыркып жатат деп уктум. Койчуларың Кармелде, биздин жаныбызда жүргөндө+, биз аларга эч жамандык кылган эмеспиз+, алардын эч нерсеси жоголгон эмес.  Өздөрүнөн деле сурап көр, айтып беришет. Биз сеникине куттуу күнү келип отурабыз, андыктан кишилерим көз алдыңда ырайым табышса экен. Кулдарыңа, уулуң Дөөтүгө колуңдан келген жардамыңды бер“»+.  Дөөтүнүн кишилери Набалга барып, Дөөтүнүн айткандарын бүт айтып беришти да, жообун күтүп туруп калышты. 10  Набал аларга: «Жышайдын уулу Дөөтү ким болуп калыптыр?+ Азыр мырзасынан качкан кулдар көп+. 11  Кыркмачыларыма деген нанды+, суу менен этти кайдан келгени белгисиз кишилерге эле бере бермек белем?» — деди+. 12  Дөөтүнүн кишилери кайра ага кайтып келип, Набалдын айткандарын айтып беришти. 13  Ошондо Дөөтү кишилерине: «Кылычыңарды белиңерге байлагыла!» — деди+. Баары белине кылычын байлады. Дөөтү да белине кылычын байлады. Ошентип, 400гө жакын кишиси аны менен жөнөдү, ал эми 200 кишиси жүктүн+ жанында калды. 14  Ал ортодо Набалдын аялы Абигейилге кулдарынын бири келип, мындай деди: «Дөөтү биздин мырзабыздын ал-жайын сураганы* чөлдөн кишилерин жөнөтүптүр, бирок мырзабыз аларды кордоп+, кетирип жиберди. 15  Алар бизге эч жамандык кылышкан эмес, бизге абдан жакшы мамиле кылышчу. Талаада алардын жанында жүргөнүбүздө, эч нерсебиз жоголгон эмес+. 16  Койлорубузду кайтарып жүргөнүбүздө, алар бизге күндүзү да, түнкүсүн да чеп+ болуп беришкен. 17  Эми өзүңүз эмне кылышты ойлонуп көрүңүз+. Болбосо мырзабыздын да, анын үйүндөгүлөрүнүн да өмүрү коркунуч алдында турат. Ал болсо начар киши+, аны менен сүйлөшө да албайсың». 18  Абигейил+ ошол замат эки жүз нан, эки чоң кумура шарап+, беш койдун этин+, беш сата* куурулган дан+, ошондой эле жүзүмдүн ныкталып жасалган кагынан+ жүздү, анжирдин ныкталып жасалган кагынан+ эки жүздү алып, баарын эшектерге артты да, 19  кызматчыларына: «Силер алдыга түшкүлө+, мен артыңардан барам»,— деди. Күйөөсүнө болсо эч нерсе айткан жок. 20  Абигейил эшек минип+, тоонун көрүнбөгөн жагы менен түшүп келатканда, алдынан Дөөтү менен анын кишилери чыкты; алар капысынан кезигип калышты. 21  Ага чейин Дөөтү: «Мен анын мал-мүлкүн талаада бекер эле кайтарган экенмин. Ошол убакта анын эч нерсеси жоголгон эмес болчу+. Эми ал минтип жакшылыгыма жамандык менен жооп кайтарып жатат+. 22  Эгер таң атканга чейин+ Набалдын эркектеринин бирин тирүү калтырсам+, Кудай Дөөтүнүн душмандарын катуу жазаласын»,— деген болчу+. 23  Дөөтүнү көрөрү менен Абигейил эшектен түшүп, анын алдына тизелеп, жерге чейин ийиле таазим кылды+. 24  Анан анын бутуна жыгылып+, мындай деди: «Күнөө менин мойнумда болсун+, мырзам. Күңүңө сүйлөгөнгө уруксат эт+, күңүңдүн сөзүнө кулак сала көр. 25  Мырзам Набалга көңүл бурбай эле койсо экен, ал ошондой начар киши+. Аты кандай болсо, өзү да ошондой. Анын аты — Набал*, өзү да акылсыз+. Күңүң болсо мырзамдын жиберген кишилерин көргөн эмес. 26  Жахаба тирүү+, сен да тирүүсүң+, мырзам, Жахаба сени канга забын болуудан+, өзүң үчүн өч алуудан+ сактап калды+. Душмандарыңдын баары, мырзама жамандык кылгысы келгендердин бардыгы Набалга окшоп калсын+. 27  Күңүңдүн мырзама алып келген бул тартуусу*+ болсо мырзамдын артында келаткандарга+. 28  Мырзам, күңүңдүн күнөөсүн кечире көр+. Жахаба мырзамдын үйүн түбөлүккө бекем кылат+, анткени ал Жахаба үчүн согушуп келатат+. Сенден өмүрүң өткөнчө эч кандай жамандык табылбайт+. 29  Эгер кимдир бирөө артыңдан түшүп, сени өлтүргүсү келсе, анда Жахаба Кудайың сени, адам баалуу буюмдарын түйүнчөккө түйүп сактап жүргөндөй, сактап жүрөт+. Душмандарыңды болсо салмоор менен таш ыргыткандай ыргытат+. 30  Ал сени Ысрайылга жол башчы кылат+, Жахаба мырзама кылам деп айткан жакшылыктарынын баарын кылат. 31  Өч алыш үчүн+ жөн жерден кан төгүп, кийин өкүнүп калгандын мырзама эмне кереги бар?+ Жахаба мырзама жакшылык кылат, ошондо сен күңүңдү эстейсиң»+. 32  Ошондо Дөөтү Абигейилге мындай деди: «Сени бүгүн мага жиберген Ысрайылдын Кудайы Жахаба даңкталсын!+ 33  Мени бүгүн канга забын болуудан+, өзүм үчүн өч алуудан сактап калганың үчүн+, Кудай сага батасын берсин, акылыңа береке берсин+. 34  Эгер мага шашылыш келип жолукпаганыңда+, мени сага жамандык кылуудан сактап калган+ Ысрайылдын Кудайы Жахаба тирүү, таң атканга чейин Набалдын эркектеринин бири да аман калбайт болчу»+. 35  Анан Абигейилдин алып келгендерин алып, ага: «Үйүңө тынчтык менен бара бер+. Сен айткандай кылам, өтүнүчүңдү аткарам»,— деди+. 36  Абигейил Набалга келсе, үйүндө падышаныкындай той болуп жатыптыр+. Набалдын көңүлү шат экен, ал абдан мас эле+. Таң атканга чейин, Абигейил ага эч нерсе айткан жок. 37  Эртең менен Набал соолукканда, аялы ага баарын айтып берди. Ошондо Набалдын жүрөгү+ токтоп калайын деди, ал таштай катып калды. 38  Он күндөн кийин Жахаба Набалды өлтүрдү+. Ал өлдү. 39  Набалдын өлгөнүн угуп, Дөөтү: «Мени кордогону үчүн+ Набалга жазасын берген+, өзүнүн кулун жаман иш кылуудан сактап калган+ Жахабага даңк! Жахаба Набалдын жамандыгын өз башына түшүрдү!» — деди+. Андан кийин ал Абигейилге аны аялдыкка алгысы келерин айттырып жиберди+. 40  Дөөтүнүн кишилери Кармелге барып, Абигейилге: «Дөөтү сени аялдыкка алуу үчүн, бизди сени алып келгени жиберди»,— деп айтышты. 41  Ал ошол замат ордунан туруп, жерге чейин ийиле таазим кылды+ да: «Күңүң сага кызмат кылганга+, мырзамдын кулдарынын бутун жууганга даяр»,— деди+. 42  Анан дароо эшекке минип, беш күңү менен жолго чыкты+. Ал+ Дөөтүнүн кишилери менен барып, анын аялы болуп калды. 43  Ага чейин Дөөтү изреилдик+ Акиноамды+ аялдыкка алган эле. Ошентип, экөө тең анын аялы болуп калды+. 44  Шабул болсо кызы Михалды+, Дөөтүнүн аялын, галимдик+ Лаиштин уулу Палтиге+ аялдыкка берди.

Шилтемелер

Сөзмө-сөз: «мырзабызга бата бергени».
1 сата = 7,33 л.
Мааниси: «акылсыз».
Же: «батасы».