Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

1 Шемуел 14:1—52

14  Бир күнү Шабулдун уулу Жонатан+ курал-жарагын көтөргөн кызматчысына: «Жүр, аркы беттеги пелиштиликтердин күзөт аскерлери турган жерге баралы»,— деди. Бирок атасына бул тууралуу эч нерсе айткан жок+.  Шабул ал убакта Гибанын+ чет жагында, Мигрондогу анар дарагынын түбүндө болчу. Жанында алты жүздөй кишиси бар эле+.  (Ихаботтун+ бир тууганы Акитуптун+ уулу Ахия эфодду+ кийип жүрчү. Ихабот Пинехастын+, Пинехас Жахабанын Шилодогу+ дин кызматчысы Эйлинин+ уулу болгон.) Эл Жонатандын кеткенин билген эмес.  Жонатан пелиштиликтердин күзөт аскерлерине+ барыш үчүн өтө турган өткөөлдөрдүн эки тарабында тең шуштуйган аска бар эле. Бири Ботсес, экинчиси Сене деп аталчу.  Алардын бири түндүктө, Михмаштын+ тушунда мамы сыяктуу тик болуп көрүнүп турчу, экинчиси түштүктө, Гебанын+ тушунда жайгашкан эле.  Жонатан курал-жарагын көтөргөн кызматчысына: «Жүр, аркы бетке, сүннөткө отургузулбагандардын+ тобуна баралы. Балким, Жахаба бизге жардам берер, анткени аз киши аркылуу куткарабы же көп киши аркылуубу, Жахабага эч нерсе тоскоолдук кыла албайт»,— деди+.  Кызматчысы ага: «Жүрөгүң эмнени каалап жатса, ошону кыл. Кайсы жакка баргың келсе, ошол жакка бар. Сен каякка барсаң, мен да ошол жакка барам»,— деди+.  Жонатан ага: «Жүр, алар жакка барып, көрүнө жерге туралы.  Эгер алар бизге: „Биз баргыча, ошол жерде туруп тургула!“ — дешсе, ордубузда калабыз, алар жакка чыкпайбыз. 10  Ал эми: „Биз жакка чыккыла!“ — дешсе, чыгабыз. Анткени Жахаба аларды биздин колубузга салып берет. Бул биз үчүн белги болот»,— деди+. 11  Ал экөө пелиштиликтердин күзөт аскерлерине көрүнгүдөй жерге барып турушканда, пелиштиликтер: «Карагылачы, еврейлер жашынып жүргөн ийиндеринен чыга башташты»,— дешти+. 12  Анан Жонатан менен анын курал-жарагын көтөргөн кызматчысына: «Чыккыла бул жакка, биз силерге бирди көрсөтөбүз!» — дешти+. Ошондо Жонатан кызматчысына: «Артымдан чык, Жахаба буларды Ысрайылдын колуна салып берет»+,— деди да, 13  тырмышып, жогору чыга баштады+. Артынан курал-жарагын көтөргөн кызматчысы чыгып баратты. Анан Жонатан пелиштиликтер менен салгылаша баштады+, алардын өлбөй калгандарын кызматчысы кырып жатты+. 14  Биринчи жолу кол салганда Жонатан менен анын курал-жарагын көтөргөн кызматчысы узундугу бир өлчөм* жердин жарымындай болгон жерде жыйырмадай кишини өлтүрүштү. 15  Талаадагы кошуундагылардын, күзөт аскерлеринин баарынын жүрөгү түштү+. Атүгүл жортуулга чыгып жүргөндөрүн да калтырак басты+, жер да титирей баштады+. Мунун баары Кудайдан болду+. 16  Бенжемин уруусуна таандык Гибадагы+ Шабулдун күзөтчүлөрү бүт кошуундун дүрбөлөңгө түшүп жатканын+ көрүштү. 17  Ошондо Шабул жанындагы кишилерге: «Баарын санап чыгып, арабыздан ким кеткенин билгиле»,— деди. Алар санап чыгышса, Жонатан менен анын курал-жарагын көтөргөн кызматчысы жок болуп чыкты. 18  Шабул Ахияга+: «Чыныгы Кудайдын келишим сандыгын алып кел!» — деди+. (Ошол күнү чыныгы Кудайдын келишим сандыгы Ысрайыл уулдарында эле.)+ 19  Шабул дин кызматчы менен сүйлөшүп турганда+, пелиштиликтердин конушундагы ызы-чуу күчөй берди. Шабул дин кызматчыга: «Токтой тур»,— деди. 20  Шабул менен анын жанындагылар чогулуп+, согуш болуп жаткан жерге барышса, ал жактагылар бири-бирин кылычтап+, катуу дүрбөлөңгө түшүп жатышыптыр. 21  Мурун пелиштиликтердин тарабына өтүп кетип+, алардын кошуунунда жүргөн еврейлер да Шабул менен Жонатандын жанындагы ысрайылдыктарга кошулушту. 22  Ошондой эле Эпрайымдын тоолуу аймагында жашынып жүргөн бардык ысрайылдыктар+ пелиштиликтердин качканын угуп, алардын артынан сая кууп жөнөштү. 23  Ошол күнү Жахаба Ысрайылды куткарды+. Салгылаш Бет-Абенден+ ары да уланды. 24  Ысрайылдыктар ошол күнү абдан чарчашты, бирок Шабул: «Кеч киргенге чейин, душмандарымдан өчүмдү алганга чейин+ оозуна наар алган адам каргышка калсын!» — деп, элди кошуп ант берип койду+. Ошондуктан алардын эч кимиси эч нерсе жеген жок+. 25  Андан кийин баары токойго барышты. Ал жерде көп бал+ бар эле. 26  Алар токойдун ичине кирип, бал таамп жатканын көрүштү+, бирок берилген анттан корккондуктан эч кимиси андан алып жеген жок+. 27  Жонатан болсо атасынын элди кошуп ант берип койгонун укпагандыктан+ колундагы таягынын учун балга малып, оозуна салды. Ошондо анын көздөрү ачыла түштү+. 28  Элдин арасынан бирөө ага: «Атаң: „Бүгүн оозуна наар алган адам каргышка калсын!“ — деп элди кошуп ант берип койгон болчу»,— деди+. (Эл алсырагандан алсырап бараткан эле.)+ 29  Бирок Жонатан: «Атам элди азапка салды+. Карагылачы, мен бир аз бал жедим эле, көзүм ачыла түштү+. 30  Эгер эл бүгүн олжодон+ жеп, азыктанып алса+, биз улуу жеңишке жетмекпиз. Эми болсо пелиштиликтерди толук талкалай албайбыз»,— деди+. 31  Ошол күнү ысрайылдыктар пелиштиликтерди Михмаштан+ Айлонго+ чейин кууп, жолду карай кырып барышты. Эл аябай чарчады+. 32  Анан алар жан талаша олжого жабылып+, койлорду, бодо мал менен музоолорду ошол жерде союп, этин каны менен жей башташты+. 33  Ошондо Шабулга: «Карачы, эл этти каны менен жеп, Жахабанын алдында күнөөгө батып жатат»,— дешти+. Ал: «Силер ишенимсиздик кылдыңар. Эми мага бир чоң ташты тоголотуп келгиле»,— деди. 34  Анан: «Элди аралап мындай деп айткыла: „Ар бириң букаңарды же коюңарды мага алып келгиле. Аларды ушул жерде союп жегиле. Жахабанын алдында күнөөгө батпаш үчүн этти каны менен жебегиле“»,— деди+. Ошол түнү ар бири букасын ошол жерге алып келип сойду. 35  Шабул Жахабага арнап курмандык жайын курду+. Ал Шабулдун Жахабага арнап курган биринчи курмандык жайы эле+. 36  Бир канча убактан кийин Шабул: «Жүргүлө, пелиштиликтердин артынан барып, аларды таң атканча+ талап-тоноп, бирин да калтырбай кырып таштайлы»,— деди+. Жанындагы кишилери: «Кандай туура көрсөң, ошондой кыл»,— дешти. Бирок дин кызматчы: «Ушул жерден чыныгы Кудайга кайрылып көрбөйлүбү»,— деди+. 37  Шабул Кудайдан: «Пелиштиликтердин артынан барайынбы?+ Аларды Ысрайылдын колуна салып бересиңби?» — деп сурады+. Бирок Кудай ал күнү жооп берген жок+. 38  Ошондо Шабул: «Эл башчылары+, баарыңар бул жерге келип+, бүгүн кандай күнөө жасалганын териштиргиле. 39  Ысрайылдын Куткаруучусу Жахаба тирүү*, эгер күнөөнү атүгүл уулум Жонатан кылган болсо да, ал өлөт»,— деди+. Бирок ага эч ким эч нерсе деп айткан жок. 40  Шабул ысрайылдыктардын баарына: «Силер бир тарапка тургула, уулум Жонатан экөөбүз экинчи тарапка туралы»,— деди. Эл ага: «Өзүң туура көргөндөй кыл»,— деди+. 41  Шабул Жахабага кайрылып: «Ысрайылдын Кудайы, тумим аркылуу жооп берчи!» — деп суранды+. Тумим элди эмес, Жонатан менен Шабулду көрсөттү+. 42  Ошондо Шабул: «Уулум Жонатан экөөбүздүн ортобузга өкчөмө таш ыргыткыла»,— деди+. Өкчөмө таш Жонатанга түштү. 43  Шабул андан: «Айтчы, эмне кылдың эле?» — деп сурады+. Жонатан: «Колумдагы таяктын учун балга малып, бир аз алып жеген элем+. Эми мен өлүшүм керек»,— деди. 44  Ошондо Шабул: «Жонатан, эгер сен өлүм жазасына тартылбасаң+, Кудай мени катуу жазаласын»,— деди+. 45  Бирок эл Шабулга: «Ысрайылга улуу куткарылуу алып келген Жонатан өлөбү?+ Жок, ал өлбөшү керек!+ Жахаба тирүү+, анын бир тал чачы да жерге түшпөйт+, анткени бүгүн ага бул ишти кылганга Кудай жардам берди»,— деди+. Ошентип, эл Жонатанды өлүмдөн алып калды+. 46  Шабул пелиштиликтерди кууганын токтотту. Алар өз жерине кетишти+. 47  Шабул падышалык бийлигин бекемдеп+, бүт душмандары менен: Маап+ менен, Амон уулдары+ менен, Эдом+ менен, Соба падышалары+ жана пелиштиликтер+ менен согушту. Кайсы жакка барбасын, ал душмандарын жазалап жатты+. 48  Ал эр жүрөктүк менен иш кылды+, Амалыктын тукумдарын кырып+, Ысрайылды талап-тоноочулардын колунан куткарды. 49  Шабулдун Жонатан+, Ишби, Малкишуа+ деген уулдары, эки кызы бар эле. Улуу кызынын аты Мейрап+, кичүүсүнүкү Михал+ болчу. 50  Аялынын аты Акиноам болчу, ал Акимаастын кызы эле. Ал эми аскер башчысынын аты Абинер+ болчу. Абинер Неирдин уулу, Шабулдун агасы эле. 51  Шабулдун атасы Киш+ болчу. Абинердин атасы Неир+ Абиелдин уулу болчу. 52  Шабул башкарып турган убакта пелиштиликтер менен айыгышкан согуштар болуп турду+. Күчтүү же эр жүрөк кишини көргөндө Шабул аны өзүнүн аскерине кошуп алчу+.

Шилтемелер

Кош өгүз менен бир күндө айдалчу жер.
Бий 8:19дун шилт-н кара.