Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

1 Петир 1:1—25

1  Иса Машаяктын элчиси+ Петирден Понт, Галатия, Кападокия+, Азия* жана Битиния аймактарына чачырап кетип+, ал жерлерде убактылуу жашап жаткан+ тандалгандарга+,  тил алчаак болуп, Иса Машаяктын каны+ үстүнө чачыратылышы үчүн+, Кудай Атабыздын алдын ала билгени боюнча+ тандалып, рух менен ыйыкталгандарга+: Кудайдын ырайымына, тынчтыгына мындан ары да ээ боло бергиле+.  Мырзабыз Иса Машаяктын Кудайы жана Атасы даңкталсын+. Ал улуу ырайымынан улам Иса Машаяктын тирилиши аркылуу+ жаңыдан төрөлүшүбүзгө жол ачып+, бизди тирүү үмүткө+,  чирибес, таза, соолгус мураска ээ кылды+. Ал мурас силер үчүн асманда сакталып турат+.  Силер болсо акыркы убакта+ ачыла турган+ куткарылууга ээ болушуңар үчүн+, ишенимиңердин негизинде Кудайдын күчү менен+ корголуп турасыңар.  Ошондуктан азыр силерге ар кандай сыноолордон улам бир аз убакытка кайгырууга туура келсе да+, абдан кубанып жатасыңар.  Анткени от менен сыналса да+, жок болуп кете турган алтындан алда канча баалуу сыналган ишенимиңер+ Иса Машаяктын ачылышында+ силерди мактоого, даңкка, урмат-сыйга ээ кылат.  Машаякты эч качан көрбөсөңөр да, силер аны жакшы көрөсүңөр+. Азыр да көрбөгөнүңөргө карабай, ага ишенип, сөз менен жеткире алгыс зор кубанычка бөлөнүп жатасыңар.  Себеби ишенимиңердин аркасында жаныңардын куткарыларын билесиңер+. 10  Силерге көрсөтүлө турган ырайым+ жөнүндө алдын ала айткан пайгамбарлар+ ошол куткарылуу тууралуу кылдат изилдеп+, ынтызарлык менен изденишкен. 11  Алар өздөрүндөгү рухтун, Машаяктын кандай азаптарды тартары+ жана андан кийин кандай даңкка бөлөнөрү жөнүндө+ алдын ала күбөлөндүргөн ыйык рухтун+, Машаякка байланыштуу+ кайсы убакты+ же кайсы мезгилди көрсөткөнүн изилдеп келишкен. 12  Кудай ал пайгамбарларга азыр силерге жарыяланган нерселерди+ билдирип жатышканда өздөрүнө эмес+, силерге кызмат кылышканын ачып берген. Силерге болсо аларды асмандан жиберилген ыйык рухтун жардамы менен+ жакшы кабар тараткандар жарыялашкан. Ал нерселерди түшүнүүнү периштелер да абдан каалашат+. 13  Ошондуктан акылыңар иш-аракетке даяр болсун*+, бардык жагынан сергек* болгула+. Иса Машаяктын ачылышында+ өзүңөргө көрсөтүлө турган ырайымга+ үмүттөнгүлө. 14  Тил алчаак балдардай болуп, мындан ары билбестиктен аткарып келген мурунку каалоолоруңарга жетеленбегиле+. 15  Силерди чакырган Кудай ыйык болгондой эле, силер да бардык жагынан ыйык болгула+. 16  Себеби Ыйык Жазмада: «Ыйык болгула, анткени мен ыйыкмын»+,— деп жазылган. 17  Эч кимге бет карамалык кылбай, ар бир адамды иштерине жараша соттогон Атаңарга+ кайрылып жатсаңар, анда бул дүйнөдө келгин катары жашап жаткан убагыңарды+ Андан коркуу менен өткөргүлө+. 18  Анткени силер ата-бабаларыңардан өткөн маңызсыз жашоодон күмүш же алтын сыяктуу чирип жок боло турган нерселер менен эмес+, 19  Машаяктын+ кемтиги жок, таза козунун+ канындай болгон баа жеткис каны+ менен куткарылганыңарды билесиңер+. 20  Ооба, Кудай аны дүйнө негизделгенге чейин+ эле тандап алган болчу. Бирок ал силер үчүн ушул акыркы убакта келди+. 21  Силер ал аркылуу Кудайга ишенип калдыңар+. Кудайга ишенип, андан үмүттөнүшүңөр+ үчүн, ал Машаякты тирилтип+, даңкка бөлөдү+. 22  Чындыкка баш ийгендиктен силер тазарып*+, чыныгы бир туугандык сүйүүгө ээ болдуңар+. Андыктан бири-бириңерди жан-дилиңер менен, чын жүрөктөн сүйгүлө+. 23  Силер чирий турган эмес+, чирибей турган+ уруктан+, тирүү жана түбөлүк Кудайдын+ сөзү+ аркылуу жаңыдан төрөлдүңөр+. 24  Анткени «адамдардын баары чөп сыяктуу, алардын бардык даңкы чөп гүлүндөй+. Чөп куурап, гүл соолуйт+, 25  ал эми Жахабанын сөзү түбөлүккө калат»+. Мына ошол «сөз»+ силерге жакшы кабар катары жарыяланды+.

Шилтемелер

Элч 2:9дун шилт-н кара.
Сөзмө-сөз: «акылыңардын белин буугула».
Же: «тең салмактуу».
Сөзмө-сөз: «жаныңарды тазартып».