Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

1 Корунттуктар 16:1—24

16  Ыйыктарга+ чогултулуучу жардам тууралуу+ айта турган болсом, Галатиядагы жыйналыштарга+ берген көрсөтмөмө ылайык иш кылсаңар болот.  Акчаны мен барганда чогулта баштабашыңар үчүн, ар бириңер акчаңарды жуманын биринчи күнүндө мүмкүнчүлүгүңөргө жараша бөлүп коюп жүргүлө.  Мен силерге барганда өзүңөр катыңарда сунуш кылган кишилерди+ Иерусалимге жөнөтөм, алар силердин чогулткан тартууңарды жеткиришет.  Эгер Иерусалимге мен да барышым керек болсо, алар мени менен барышат.  Бирок мен азыр Македонияга барганы жатам, ошондуктан силерге Македонияга баргандан кийин барам+.  Силер жакта бир нече убакыт жүрүшүм мүмкүн, атүгүл кыштап да калаттырмын. Андан кийин бара турган жериме мени бир аз узатып коёрсуңар+.  Азыр силерге тек гана өтүп баратып тие кетким келбейт. Жахаба+ жол берсе+, жаныңарда көбүрөөк жүрөм деп үмүттөнөм+.  Эфесте+ Элүүнчү күн майрамына чейин болом.  Анткени кызмат кылышым үчүн мага эшик кенен ачылды+. Бирок каршылык көрсөткөндөр да көп. 10  Тиметей+ барса, араңарда жүргөндө эч нерседен коркпогудай болсун, анткени ал да, мага окшоп, Жахабанын ишин аткарып жүрөт+. 11  Ошондуктан эч ким аны тоготпой койбосун+. Андан кийин мага келиши үчүн, аны бир аз узатып койгула. Анткени мен аны бир туугандар менен бирге күтүп жатам. 12  Бир тууганыбыз Аполостон+ болсо бир туугандар менен бирге силерге барышын көптөн-көп өтүндүм, бирок ал азыр барганга макул болгон жок. Кийин мүмкүнчүлүгү болгондо бармай болду. 13  Сергек болгула+, ишеним жолунда бекем тургула+, эр жүрөк*+, кайраттуу болгула+. 14  Баарын сүйүү менен жасагыла+. 15  Бир туугандар, менин бир өтүнүчүм бар. Силер Истефандын үйүндөгүлөрү Машаяктын Ахаядагы алгачкы жолдоочуларынан+ экенин жана ыйыктарга кызмат кылууга+ дайым даяр экенин билесиңер. 16  Силер да ушундай адамдарга жана Кудайдын ишинде кызматташкандардын, жан үрөп эмгектенгендердин баарына баш ийгиле+. 17  Истефандын+, Фортунаттын жана Ахайиктин бул жакта жүргөнүнө* кубанып жатам, анткени алар силерди жоктотушкан жок. 18  Алар мага да, силерге да дем-күч берди+. Ошондуктан ушундай адамдарды баалагыла+. 19  Азиядагы* жыйналыштар силерге салам айтып жатышат+. Акила менен Приска, ошондой эле алардын үйүндө чогулган жыйналыш+ да силерге чын жүрөктөн салам айтып жатышат. 20  Бир туугандардын баары силерге салам айтышты. Бири-бириңер менен бир туугандарча өбүшүп учурашкыла+. 21  Мен, Пабыл, бул саламымды өз колум менен жазып жатам+. 22  Ким Мырзабызды сүйбөсө, каргышка калсын+. Оо, Мырзабыз, кел!+ 23  Мырзабыз Исанын ырайымы силер менен болсун. 24  Менин сүйүүм Машаяк Исанын жолун жолдогон баарыңар менен болсун.

Шилтемелер

Же: «эркектей».
Грек. парусиа. Кара: 5-тирк.
Элч 2:9дун шилт-н кара.