Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Элчилер 7:1—60

7  Башкы дин кызматчы Степандан: «Ушул айтылгандар чынбы?» — деп сурады.  Ал мындай деди: «Агайын-туугандар жана аталар, сөзүмө кулак салгылачы. Атабыз Ыбрайым Харанга отурукташканга чейин+ Месопотамияда жүргөндө, ага даңктын Кудайы+ көрүнүп:  „Жериңди, туугандарыңды калтырып, мен көрсөтө турган жерге бар“,— деген+.  Ошондо Ыбрайым каздимдиктердин жеринен чыгып, Харанга барып отурукташкан. Ал эми атасы өлгөндөн кийин+, Кудай аны азыр силер жашап жаткан жерге көчүргөн+.  Анткен менен ага бул жерден үлүшкө бир карыш* да жер берген эмес+. Бирок Ыбрайым балалуу боло элек болсо да+, Кудай бул жерди ага жана анын тукумдарына+ берерин убада кылган+.  Ошондой эле анын тукумдары бөтөн жерде+ келгин болуп жашаарын+, 400 жыл кул болуп, кысымга алынарын айткан+.  Анан Кудай: „Бирок аларды кул кылган элдердин үстүнөн сот жүргүзөм+, ошондон кийин алар ал жактан чыгып, ушул жерде мага ыйык кызмат кылышат“,— деген+.  Андан сырткары, Кудай Ыбрайым менен сүннөткө отургузуу келишимин түзгөн+. Анан Ыбрайым Ыскак деген уулдуу болуп+, аны сегизинчи күнү сүннөткө отургузган+. Ыскактан Жакып, Жакыптан он эки уруу башчысы төрөлгөн+.  Ал уруу башчылары көрө албастык кылып+, Жусупту Мисирге сатып жиберишкен+. Бирок Кудай Жусуп менен болуп+, 10  аны бардык кыйынчылыктарынан куткарган жана акылмандык берип, Мисир падышасы фараондун* көз алдында ырайым таптырган. Фараон болсо аны Мисирге жана өз үйүнө башчы кылып дайындаган+. 11  Кийин бүт Мисирде, бүт Канаан жеринде ачарчылык болуп, катуу каатчылык болгондо, ата-бабаларыбыз да тамак-ашсыз калган+. 12  Жакып Мисирде азык-түлүк бар экенин угуп+, ата-бабаларыбызды ошол жакка жиберген+. 13  Алар ал жакка экинчи жолу барышканда, Жусуп бир туугандарына өзүнүн ким экенин айткан+. Ошентип, анын урук-тууганы жөнүндө фараонго да белгилүү болгон+. 14  Ошондо Жусуп атасы Жакыпты жана бардык туугандарын, жетимиш беш кишини*+, Канаандан чакырткан+. 15  Жакып Мисирге көчүп барган+. Кийин ал да, ата-бабаларыбыз да+ ошол жакта көз жумган+. 16  Алардын сөөгүн Шекемге ала кетишип+, Ыбрайым Шекемдеги Хамор уулдарынан күмүш акчага сатып алган+ мүрзөгө коюшкан+. 17  Кудайдын Ыбрайымга берген убадасы аткарыла турган убак жакындаган сайын, Мисир жеринде ысрайылдыктардын саны өсүп, көбөйө берген+. 18  Ошол убакта Мисирде Жусупту тааныбаган башка бир падыша такка келген+. 19  Ал биздин элге каршы амал колдонуп+, аталарыбызды жаңы төрөлгөн балдарын таштап салууга мажбурлаган+. 20  Ошол кезде Муса төрөлгөн+. Ал абдан жакшынакай болгон*+. Аны ата-энеси үч ай бою үйүндө баккан. 21  Ал эми аны таштап коюшканда, фараондун кызы таап алып, асырап алган+. 22  Андыктан Муса мисирликтердин бүт акылмандыгына үйрөтүлүп+, сөзү менен да, иши менен да күчтүү болгон+. 23  Кырк жашка чыкканда ал бир туугандарынын, Ысрайыл уулдарынын, ал-жайын билгиси келип+, 24  аларга барган. Анан алардын бирине мисирлик бир кишинин адилетсиз мамиле жасап жатканын көрүп, аны коргош үчүн мисирликти өлтүрүп, анын өчүн алган+. 25  Муса бир туугандарын Кудай аларды ал аркылуу куткарайын деп жатканын түшүнөт деп ойлогон+. Бирок алар түшүнүшкөн эмес. 26  Эртеси күнү дагы келип, ысрайылдык эки кишинин мушташып жатканын көргөн. Ошондо аларды жараштырууга аракет кылып+: „Силер бир туугансыңар да. Эмнеге мушташып жатасыңар?“ — деп айткан+. 27  Бирок жакынын уруп жатканы анын айтканын уккусу келбей: „Сени бизге ким башчы же сот кылып койду?+ 28  Кечээ мисирликти өлтүргөнүңдөй, мени да өлтүргүң барбы?“ — деген+. 29  Муну укканда Муса Мисирден Мидиан жерине качып барып+, келгин катары жашап калган. Ал жактан эки уулдуу болгон+. 30  Арадан кырк жыл өткөндөн кийин, Синай тоосунун жанындагы чөлдө ага күйүп жаткан тикенектүү бадалдын жалынындай болуп периште көрүнгөн+. 31  Муса ал көрүнүшкө таң калып+, жакшылап караш үчүн жакын барганда, Жахабанын: 32  „Мен ата-бабаларыңдын Кудайымын. Ыбрайымдын, Ыскактын жана Жакыптын Кудайымын“,— деген үнү угулган+. Коркконунан калтыраган Муса андан ары караганга даай алган эмес. 33  Жахаба ага: „Бутуңдагы сандалыңды чеч, анткени сен турган жер ыйык+. 34  Мен Мисирдеги элимдин эзилгенин көрүп+, онтогонун угуп+, аны куткарыш үчүн түшүп келдим+. Эми баргын, мен сени Мисирге жиберем“,— деп айткан+. 35  „Сени ким башчы же сот кылып койду?“ — деп бир туугандары четке каккан ошол Мусаны+ Кудай тикенектүү бадалдын арасынан көрүнгөн периште аркылуу башчы жана куткаруучу кылып жөнөткөн+. 36  Муса Мисирде, Кызыл деңизде+ жана кырк жыл бою чөлдө+ керемет-жышаандарды көрсөтүп+, элди жетектеп жүргөн+. 37  Ысрайыл уулдарына: „Кудай силерге бир туугандарыңардын арасынан мен сыяктуу пайгамбарды дайындайт“,— деп айткан Муса ошол болчу+. 38  Чөлдө ысрайыл элинин арасында жүрүп+, Синай тоосунда өзүнө сүйлөгөн периште менен+, ошондой эле ата-бабаларыбыз менен бирге болуп, силерге айтып бериш үчүн тирүү, ыйык сөздөрдү+ кабыл алган ошол болчу+. 39  Бирок ата-бабаларыбыз анын тилин албай, аны четке кагып+, Мисирге кайтып барууну эңсеп-кыялданышкан+. 40  Алар Арунга: „Бизди баштап жүрө турган кудайларды жасап бер, анткени бизди Мисир жеринен алып чыккан Мусаңдын эмне болгонун билбейбиз“,— деп айтышкан+. 41  Ошол күндөрү алар музоо жасап+, ошол бурканга* курмандык чалып, колдору менен жасаган ишине кубанышкан+. 42  Бирок Кудай алардан жүзүн буруп, асмандагы нерселерге сыйынган ал элди токтоткон эмес+. Бул тууралуу пайгамбарлардын китебинде мындай деп айтылган болчу+: „Оо, Ысрайыл үйү, кырк жыл бою чөлдө жүргөндө малыңар менен курмандыктарыңарды мага арнап чалдыңар беле?+ 43  Жок, силер өзүңөр менен кошо Молохтун*+ чатырын, Рефан* кудайынын жылдызын+, өзүңөр сыйыныш үчүн жасап алган сөлөкөттөрдү көтөрүп жүрдүңөр. Ошондуктан мен силерди Бабылдан ары көчүрүп жиберем“+. 44  Чөлдө жүрүшкөндө ата-бабаларыбызда күбөлөндүрүү чатыры бар болчу. Муса ал чатырды, Кудай аны менен сүйлөшкөндө берген буйрукка ылайык, көргөн үлгүсү боюнча жасаган+. 45  Мураска калган ошол чатырды ата-бабаларыбыз Жашыянын жетекчилиги астында+ Кудай алардын алдынан кууп чыккан+ элдердин жерине алып келишкен+. Ал ошол жакта Дөөтүнүн күндөрүнө чейин турган. 46  Кудайдын ырайымына ээ болгон Дөөтү+ Кудайдан, Жакыптын Кудайынан, ага үй курууга уруксат беришин суранган+. 47  Бирок ал үйдү Сулайман курган+. 48  Анткен менен Эң Жогорку Кудай адамдын колу менен курулган үйлөрдө жашабайт+. Бул жөнүндө бир пайгамбар: 49  „Асман — менин тактым+, ал эми жер — таман астым+. Анда мага кандай үй курасыңар? — дейт Жахаба.— Мен жашай турган жай кайсы жерде?+ 50  Алардын баарын менин колум жасаган эмеспи?“ — деген+. 51  Жүрөктөрү, кулактары жабык* тоң моюндар+, силер дайыма ыйык рухка каршы чыгып, ата-бабаларыңар кылганды кылып жатасыңар+. 52  Ата-бабаларыңар куугунтуктабаган пайгамбар барбы?+ Алар адил адамдын+ келерин алдын ала айткандарды өлтүрүшкөн+. Силер болсо ал адамга чыккынчылык кылып, аны өлтүрүп салдыңар+. 53  Силер периштелер аркылуу Мыйзам алгансыңар+, бирок аны аткарган жоксуңар». 54  Степандын сөздөрүн укканда алардын каары кайнап+, тишин кайрай башташты+. 55  Ыйык рухка толгон Степан болсо асманды карап, Кудайдын даңкын жана Анын оң жагында турган Исаны көрдү да+: 56  «Мына, мен ачылган асманды+ жана Кудайдын оң жагында турган+ адам Уулун+ көрүп турам»,— деди. 57  Ошондо тигилер катуу кыйкырып, колдору менен кулактарын жаап алып+, баары аны көздөй атырылышты. 58  Анан аны шаардын сыртына алып чыгып+, таш бараңга ала башташты+. Күбөлөр+ болсо сырт кийимдерин Шабыл деген жигиттин жанына коюп коюшту+. 59  Алар таш бараңга алып жатканда, Степан: «Мырзам Иса, рухумду кабыл ал»+,— деп жалынып жатты. 60  Анан тизелеп, үнүн катуу чыгарып: «Жахаба, буларды бул күнөөсү үчүн жоопко тарта көрбө»,— деди+. Анан өлүм уйкусуна кетти.

Шилтемелер

Сөзмө-сөз: «таман».
Мисир падышасынын наамы.
Сөзмө-сөз: «жанды». Кара: 6-тирк.
Сөзмө-сөз: «Кудайдын алдында сулуу болгон».
1896-беттеги «Сөздүктү» кара.
Сыягы, амондуктардын кудайы Молек. Кара: 1Пд 11:7.
Жылдыз кудайы.
Же: «жүрөктөрү менен кулактары сүннөт кылынбаган».