Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Элчилер 28:1—31

28  Жээкке аман-эсен чыккандан кийин аралдын Мальта+ деп аталарын билдик.  Бөтөн тилде сүйлөгөн ал жерликтер бизге өзгөчө боорукердик көрсөтүштү+. Алар от жагып, баарыбызды жылуу тосуп алышты, анткени жаан жаап, суук болуп турган эле+.  Пабыл бир кучак чырпык терип келип, отко салганда, ысыктан качкан бир кара чаар жылан колуна оролуп калды.  Анын колунда салаңдап турган уулуу жыланды көргөндө аралдын тургундары*: «Бул, чын эле, киши өлтүргүч экен. Ошондуктан деңизден аман калганы менен, адилет жазадан качып кутула алган жок»,— деп өз ара сүйлөшө башташты.  Бирок Пабыл уулуу жыланды отко силкип салды. Ал эч кандай зыян тарткан жок+.  Тигилер анын колу шишип, кызарып чыгат же мүрт өлөт деп ойлоп жатышты. Бирок бир топ убакыт өткөндөн кийин да коркунучтуу эч нерсе болбогонун көрүшкөндө ойлорун өзгөртүп, аны кудай дей башташты+.  Анча алыс эмес жерде аралдын башчысы Публий деген кишинин жерлери бар эле. Публий бизди жылуу тосуп алып, үч күн бою кең пейилдик менен меймандостук көрсөттү.  Анын атасынын эти ысып, ичи өтүп жаткан эле. Пабыл анын жанына барып, тиленди да, үстүнө колдорун коюп+, айыктырып койду+.  Ошондон кийин аралдагы башка оорулуулар да ага келе башташты. Пабыл аларды да айыктырып жатты+. 10  Алар бизге көп белек берип, сый көрсөтүштү. Ал эми жолго чыгарыбызда керектүү нерселер менен камсыз кылышты. 11  Үч айдан кийин биз тумшугунда Зевстин уулдарын билдирген жасалгасы бар кемеге отуруп, жолго чыктык. Ал кеме Александриядан+ келип, кышы бою ушул аралда турган эле. 12  Сиракузадагы кеме жайга барып, ал жерде үч күн болдук. 13  Анан багытыбызды өзгөртүп, Регийге бардык. Эртеси күнү түштүктөн шамал сого баштады. Дагы бир күн өткөндөн кийин Путеолго жеттик. 14  Ал жерден бир туугандарды таптык. Алар бизден жети күнгө калышыбызды өтүнүштү. Ошентип, Римге жакындап бараттык. 15  Римдеги бир туугандар биздин баратканыбызды угуп, тосуп алыш үчүн Апий базарына чейин, айрымдары Үч мейманканага чейин келишти. Пабыл аларды көргөндө Кудайга ыраазычылык билдирди; ал кайраттанып калды+. 16  Акыр-аягы, Римге жеткенибизде, Пабылга жоокердин кайтаруусу астында өзүнчө үйдө жашаганга уруксат берилди+. 17  Үч күндөн кийин Пабыл ошол жактагы жүйүттөрдүн арасынан таасирдүү кишилерди чакыртты. Алар чогулганда, мындай деди: «Агайын-туугандар, мен элибизге да, ата-бабаларыбыздын салтына да каршы эч нерсе кылбасам да+, мени камакка алып, Иерусалимден римдиктердин колуна өткөрүп беришти+. 18  Алар мени суракка алып+, өлүм жазасына тарткыдай эч айып табышпагандыктан+ бошотуп жибермекчи болушту+. 19  Жүйүттөр буга каршы чыкканда, мен цезардын сотун талап кылууга аргасыз болдум+. Бирок муну өз элимди айыпташ үчүн кылган жокмун. 20  Мен бул чынжыр менен Ысрайылдын үмүтү үчүн+ байлангандыктан+, силерден мени менен көрүшүп, сүйлөшүшүңөрдү өтүндүм». 21  Алар Пабылга: «Биз сен тууралуу Жүйүт жеринен эч кандай кат алган жокпуз. Ошондой эле келген бир туугандардын эч кимиси сен жөнүндө жаман нерсе кабарлаган да жок, айткан да жок. 22  Бирок биз сенин көз карашың тууралуу өзүңдөн укканыбыз оң деп ойлойбуз. Анткени бардык жерде бул сектага+ каршы чыгып жатышканын билебиз»,— дешти+. 23  Анан бир күндү белгилеп, Пабыл жашаган үйгө мурдагыдан да көп болуп келишти. Аларды Мусанын мыйзамында+ жана пайгамбарлардын китептеринде Иса жөнүндө айтылгандарга+ ынандырыш үчүн Пабыл Кудайдын Падышалыгы жөнүндө кылдат күбөлөндүрүп+, алар менен эртеден кечке чейин сүйлөштү. 24  Кээ бирлери анын айткандарына ишенсе+, башкалары ишенген жок+. 25  Өз ара келише албагандыктан алар тарай башташты. Ошондо Пабыл мындай деди: «Ыйык рух Ышая пайгамбар аркылуу ата-бабаларыңарга мындай деп туура айткан экен: 26  „Бул элге барып: “Угасыңар, бирок түшүнбөйсүңөр, карайсыңар, бирок көрбөйсүңөр+. 27  Анткени бул элдин жүрөгү катаалданып калган. Алар угушат, бирок жооп беришпейт. Көздөрүн жуумп алышкан, ошондуктан көздөрү көрбөйт, кулактары укпайт, айтылгандардын мааниси жүрөктөрүнө жетпейт. Алар мага кайрылышпайт, мен да аларды айыктырбайм”+,— деп айт“. 28  Эмесе, силерге маалым болсун: Кудайдын кандай жол менен куткарары жөнүндөгү кабар башка элдерге жарыяланып жатат+. Алар сөзсүз кулак салышат»+. 29  * —— 30  Ошентип, Пабыл ошол жакта ижарага алган үйдө эки жыл жашады+. Ал өзүнө келгендердин баарын жылуу кабыл алып, 31  аларга Кудайдын Падышалыгы жөнүндө кабар айтып, Мырзабыз Иса Машаяк тууралуу кайраттуулук менен+ эч тоскоолдуксуз окутуп жатты.

Шилтемелер

Же: «бөтөн тилде сүйлөгөн адамдар».
Мт 17:21дин шилт-н кара.