Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Эзра 4:1—24

4  Жүйүт менен Бенжеминдин душмандары+ туткундан кайтып келгендердин+ Ысрайылдын Кудайы Жахабага арнап ибадаткана куруп жатканын угушканда  Зоробабылга+ жана тукум башчыларына+ келип: «Биз да силер менен кошо куралы+, анткени Ашур падышасы Эсархадон+ бизди бул жакка көчүрүп келгенден бери+, биз да силерге окшоп силердин Кудайыңарга кайрылып+, ага курмандык чалып келатабыз»,— дешти.  Бирок Зоробабыл, Жешуя+ жана Ысрайылдын тукум башчылары+: «Силер биз менен бирге Кудайыбыздын үйүн курбайсыңар+. Персия падышасы Кореш+ буйрук кылгандай, Ысрайылдын Кудайы Жахабанын үйүн өзүбүз курабыз»,— дешти.  Ошондо тегеректе жашаган элдер куруу ишин токтотуш үчүн жүйүт элинин ындынын өчүрүп+, кайратын качыра башташты+.  Жүйүттөрдүн ойлогон ою ишке ашпашы үчүн, душмандар Персия падышасы Корештин күндөрүнөн тартып Персия падышасы Дарийдин+ күндөрүнө чейин кеңешчилерди пара берип сатып алып жатышты+.  Акашбероштун башкаруусунун башталышында алар Жүйүт менен Иерусалимдин тургундарын айыптап+ кат жазышты.  Ошондой эле Артакшаштанын күндөрүндө Бишлам, Митредат, Табел жана анын жолдоштору Персия падышасы Артакшаштага кат жазышты. Ал кат арамей тилине которулуп+, арамей тамгалары менен жазылган эле. 8  * Башкаруучу Рехум менен катчы Шимшай Иерусалимге каршы Артакшашта падышага мындай деп кат жазышты:  «Башкаруучу Рехум+ менен катчы Шимшайдан жана алардын башка жолдошторунан, соттор менен дарыянын*+ аркы өйүзүндөгү башчылардан, катчылардан+, Эрехтин тургундарынан+, бабылдыктардан+, Сузанын тургундарынан+, башкача айтканда, эйламдыктардан+ жана 10  улуу урматтуу Аснапар+ туткундап, Самариянын шаарларына+ көчүрүп жиберген башка элдерден+, дарыянын аркы өйүзүндө жашагандардын баарынан...» 11  Алар жиберген катта мындай деп жазылган эле: «Артакшашта падышага+ дарыянын аркы өйүзүндө жашаган кызматчыларынан: 12  Сиз жашаган жактан келген жүйүттөрдүн Иерусалимге жеткени сизге маалым болсун, падыша. Алар бул козголоңчул, бузулган шаарды кайрадан куруп, дубалдарын тургузуп+, пайдубалын оңдоп жатышат. 13  Сизге маалым болсун, падыша, эгер бул шаар кайра курулуп, дубалдары тургузула турган болсо, анда алар салык да+, алым да+, бажы акысын да төлөбөй коюшат, ошондо падышанын казынасы+ зыянга учурайт. 14  Падыша сарайынын тузун жеп жаткан соң биз падышанын зыян тартып жатканын карап тура албайбыз, ошондуктан падышага кат жөнөтүп, бул тууралуу билдирип жатабыз. 15  Ата-бабаларыңыздын китебинде жазылгандарды+ кылдат карап чыксаңыз, бул шаардын падышалар менен дубандарга зыян келтирген козголоңчул шаар экенин, мында козголоң чыгаргандардын мурдатан эле болуп келгенин билесиз. Бул шаардын ээн калганы да ошондон болчу+. 16  Эгер бул шаар калыбына келтирилип, дубалдары кайра тургузулса, анда падыша дарыянын аркы өйүзүндөгү аймактарынан кол жууп калат+. Биз падышага ушуну билдирип коёлу дедик». 17  Ошондо падыша башкаруучу Рехум+ менен катчы Шимшайга жана алардын Самарияда жашаган жолдошторуна+, ошондой эле дарыянын аркы өйүзүндө жашагандарга мындай деп жазып жиберди: «Силерге тынчтык болсун!+ 18  Бизге жиберген катыңарды мага так-даана окуп беришти. 19  Анан менин буйругум менен изилдөө жүргүзүлүп+, бул шаардын падышаларга мурунтан эле каршы чыгып келатканы, анда дайыма козголоң, көтөрүлүштөр болуп турганы аныкталды+. 20  Ошондой эле Иерусалимде дарыянын+ аркы өйүзүндөгү жерлердин баарын башкарган күчтүү падышалар+ болгону жана аларга салык, алым, бажы акысы төлөнүп турганы айкын болду+. 21  Ошондуктан аларга буйрук бергиле, алар куруу иштерин токтотуп, мен буйрук кылмайынча, ал шаарды курушпасын. 22  Падышалар андан да көп жоготууларга учурабашы үчүн, бул ишти жакшылап көзөмөлгө алгыла»+. 23  Артакшашта падышанын жөнөткөн каты Рехумдун+, катчы Шимшайдын+ жана алардын жолдошторунун+ алдында окулгандан кийин, алар дароо Иерусалимдеги жүйүттөргө барышты да, күч колдонуп куруу ишин токтотуп коюшту+. 24  Ошентип, чыныгы Кудайдын Иерусалимдеги үйүн куруу иши токтоп калды. Ал Персия падышасы Дарийдин+ башкаруусунун экинчи жылына чейин улантылган жок.

Шилтемелер

Эзра китебинин ушул аяттан 6:18-аятка чейинки бөлүгү арамей тилинде жазылган.
Евфрат.